මුදල් විශුද්ධීකරණය වැළැක්වීමේ පනත යටතේ තමන්ට එරෙහිව කොළඹ මහාධිකරණය හමුවේ ගොනුකර තිබෙන නඩුව විභාගයට ගැනීම වළක්වන නියෝගයක් නිකුත් කරන ලෙස ඉල්ලා යෝෂිත රාජපක්ෂ විසින් ශ්රේෂ්ඨාධිකරණයට අභියාචනයක් ඉදිරිපත් කර ඇත.
ඒ අනුව යෝෂිත රාජපක්ෂ විසින් තමන්ට එරෙහිව ගොනුකර තිබෙන නඩුව විභාගයට ගැනීම වළක්වන නියෝගයක් නිකුත් කරන ලෙස ඔහුගේ නීතිඥවරු කළ ඉල්ලීමට නීතිපතිවරයා අද (22) දින ශ්රේෂ්ඨාධිකරණය හමුවේ විරෝධය පළකර ඇත.
යෝෂිත රාජපක්ෂ ඉදිරිපත් කර තිබෙන එම අභියාචනය අද සලකා බැලීම සඳහා කැඳවූ අවස්ථාවේදී නීතිපතිවරයා වෙනුවෙන් පෙනී සිටි නියෝජ්ය සොලිසිටර් ජෙනරාල් ජනක බණ්ඩාර විසින් මෙම විරෝධය මතු කරනු ලැබුවෙිය.
