එකළස් කරන ලද නවීනතම සුඛෝපභෝගී රථ ඇතුළුව වාහන 20ක් සමගින් සැකකරුවන් තිදෙනෙකු අත්අඩංගුවට ගෙන ඇත.
නීත්යනුකූල නොවන අයුරින් එකළස් කරන ලද රථ වාහන සංවිධානාත්මක අපරාධ සදහා යොදාගෙන ඇති බවටත් අදාළ රථ වාහන නීත්යනුකූල නොවන ලෙස එකලස් කිරීමට පොලිසියේ සහ ත්රිවිධ හමුදා සාමාජිකයින්ගේ සහයෝගය ලැබී ඇති බවට අනාවරණය වී ඇත.
සැකකරුවන්ගෙන් ලද තොරතුරු වලට අනුව කඩවත, මීගහවත්ත සහ මොනරාගල ප්රදේශවල තිබී මෙම රථවාහන සොයා ගෙන ඇති අතර මෙවැනි නීත්යනුකූල නොවන රථ වාහන 40කට ආසන්න සංඛාවක් පිළිබඳව තොරතුරු අනාවරණය වී ඇත.
පොලිස් භාරයට ගත් මෙම වාහන අතර සුඛෝපභෝගී මෝටර් රථ, ජීප් රථ, වෑන්, ලොරි සහ යතුරුපැදි වන බව වාර්තා වේ.
මෙලෙස අත්අඩංගුවට ගෙන ඇත්තේ කඩවත, ගම්පහ සහ ජාඇල ප්රදේශවල පදිංචිකරුවන් තිදෙනෙක් වන අතර ඔවුන් අධිකරණය වෙත ඉදිරිපත් කිරීමට නියමිතය.
