ස්ථාන මාරුවීම් සිදුකිරීම ඇතුළු ඉල්ලීම් කිහිපයක් මුල්කර ගනිමින් රජයේ වෛද්ය නිලධාරීන්ගේ සංගමය වැඩවර්ජනයන නිරත වු අතර මෙතෙක් ඊට විසඳුම් නොලැබීම හේතුවෙන් අද (05) උදෑසන සිට ඔවුන් යළිත් සංකේත වැඩවර්ජනයක නිරත වී සිටියි.
මේ අතර පශ්චාත් සීමාවාසික වෛද්ය පත්වීම් සඳහා නවක වෛද්යවරුන් අයදුම් කර ඇත්තේ සෞඛ්ය අමාත්යංශයෙන් සිදුවු තර්ජන හේතුවෙන් බව රජයේ වෛද්ය නිලධාරීන්ගේ සංගමයේ ලේකම් වෛද්ය ප්රභාත් සුගතදාස සඳහන් කරයි.
එම සංගමයේ ලේකම් වෛද්ය ප්රභාත් සුගතදාස සඳහන් කළේ,
“අපි දැක්කා පශ්චාත් සීමාවාසික පුරප්පාඩු ලේඛනයේ අයදුම් කරන්න සුදුසුකම් ලබලා හිටිය වෛද්යවරුන්ට අනවශ්ය බලපෑම් කරලා, අනවශ්ය තර්ජන කරලා, ඔවුන්ව රාජ්ය සේවයෙන් අයින් කරනවා කියලා අපි දැක්කා තර්ජනය කිරීම්.
අපි දැක්කා ඔවුන්ගේ වැටුප නවත්වනවා කියලා තර්ජනය කිරීම්. අපිට ආරංචි වුණා රෝහල්වල ඔවුන් නැවතිලා ඉන්න නිල නිවාසවලින් එළියට දානවා කියලා ඔවුන්ට බලපෑම්, තර්ජන කරලා තිබුණා. මේ සියලු බලපෑම් හමුවේ නවක වෛද්යවරු ඉතාම අසරණ තත්ත්වයට පත්වෙලා හිටියේ.”
