අද (21) දිනයේ සිට මෙරටින් නිල වශයෙන් ආරම්භ වන සාමයේ පා ගමන (Walk for Peace) වැඩසටහන සඳහා ජනාධිපති අනුර කුමාර දිසානායක සිය පූර්ණ සහයෝගය පළ කර ඇත.
“සියලු ජනයා අතර සිහිබුද්ධිය, මෛත්රිය, එකමුතුකම සහ සමගිය ප්රවර්ධනය කරමින් අද ආරම්භ වන ‘සාමයේ පා ගමන’ සඳහා සහයෝගය දැක්වීමට ලැබීම මම ගෞරවයක් කොට සලකමි.”
“මෙම පූජනීය පා ගමන දඹුල්ලෙන් ආරම්භ වී, සර්වඥ ධාතූන් වහන්සේලා සහ බෝධි අංකුරයක් ද රැගෙන දිවයින පුරා ගමන් කරන විට, අපේ උරුමය මූර්තිමත් කරන සාමය සහ කරුණාව යන සදාකාලික වටිනාකම් පිළිබඳව නැවත ආවර්ජනය කරන ලෙස මම සියලුම ශ්රී ලාංකිකයන්ට ආරාධනා කරමි.”
සිය “X” ගිණුමෙහි සටහනක් තබමින් ජනාධිපති අනුර කුමාර දිසානායක මේ බව සඳහන් කර ඇත.
මෙම අධ්යාත්මික වැඩපිළිවෙළ ජාතික සමගිය ශක්තිමත් කිරීමටත්, ලෝක ප්රජාවට සාමය පිළිබඳ ගැඹුරු පණිවිඩයක් සන්නිවේදනය කිරීමටත් උපකාරී වනු ඇතැයි තමා බලාපොරොත්තු වන බවද ජනාධිපතිවරයා සඳහන් කර ඇත.
