අද (23) දින පාර්ලිමේන්තුවේ ඇති වූ උණුසුම් තත්ත්වය හේතුවෙන් සභාවේ කටයුතු විනාඩි 10කට කල්තැබීමට කථානායකවරයා පියවර ගත්තේය.
විපක්ෂයේ මන්ත්රීවරුන් 20 දෙනෙකු නැගිට කථානායකවරයාගෙන් හදිසි පාර්ලිමේන්තු විවාදයක් ඉල්ලා සිටීමත් සමග මෙම උණුසුම් තත්ත්වය ඇතිවිය.
කථානායකවරයා විවාදය සම්බන්ධව ආණ්ඩු පක්ෂයෙන් කරුණු විමසීමේදී, සභා නායක, අමාත්ය බිමල් රත්නායක සඳහන් කළේ, ඒ සඳහා එකඟ නොවන බවත් අවශ්ය නම් අදාළ කරුණ සම්බන්ධයෙන් ඡන්දයක් විමසීමට එකඟ වන බවයි.
කෙසේ වෙතත් එම ඡන්ද විමසීමට එකඟ නොවීම හේතුවෙන් විපක්ෂයේ මන්ත්රීවරුන් සිය විරෝධය දක්වමින් අදහස් ප්රකාශ කිරීමට පටන් ගැනීමටත් සමඟ පාර්ලිමේන්තුව තුළ මතගැටුමක් ආරම්භ විය.
අනතුරුව කලහකාරී ලෙස හැසිරෙමින් විපක්ෂයේ මන්ත්රීවරුන් සෙංකෝලය උස්සගෙන යාමට උත්සාහ කළ අතර එහිදී විපක්ෂයේ මන්ත්රීවරුන් එකිනෙකා පොරබදින ආකාරයක් දක්නට ලැබුණේය.