පවතින දැඩි අයහපත් කාලගුණය හමුවේ පාසල් රැසකට නිවාඩු ලබාදී ඇත.
ඒ අනුව නුවරඑළිය සහ හැටන් කලාප කාර්යාල දෙක යටතේ පාලනය වන සියලුම පාසල් සඳහා අද (03) නිවාඩු ලබාදී ඇත.
පවතින අයහපත් කාලගුණය හමුවේ පාසල් පවත්වාගෙන යැම සම්බන්ධයෙන් බලය විදුහල්පතිවරුන්ට පවරන බව මධ්යම පළාත් අධ්යාපන අධ්යක්ෂ නයෝමි හෙට්ටිආරච්චි සඳහන් කළේය.
හැටන්, නුවරඑළිය, කොත්මලේ, ගම්පොළ, තෙල්දෙනිය, සහ මහනුවර අධ්යාපන කලාපවල පාසල් පවත්වාගෙන යාම පිළිබඳ සුදුසු තීරණ ගැනීමට විදුහල්පතිවරුන්ට උපදෙස් ලබාදී ඇත.
