නොසන්සුන් වූ මැගසින් බන්ධනාගාරයේ අලුත්ම තත්ත්වය

මහ රෑ කැලඹුණු මැගසින් බන්ධනාගාරය තුළ හටගත් නොසන්සුන්කාරී තත්ත්වය මේ වනවිට පාලනය කර ඇති බව වාර්තා වේ.

මැගසින් බන්ධනාගාරයේ වත්මන් තත්ත්වය නිරීක්ෂණය කිරීම සඳහා ශ්‍රී ලංකා ගුවන් හමුදාවට අයත් ඩ්‍රෝන යානා යොදාගෙන ඇත.

මෙම තත්ත්වය සම්බන්ධයෙන් දැන ගැනීමත් සමඟ ජනතාව බන්ධනාගාරය ඉදිරිපිට රැස්ව සිටින අතර බන්ධනාගාරයේ පිටත ආරක්ෂාව තර කර ඇත.

මේ අතර මේ වනවිට මැගසින් බන්ධනාගාරය අසලට අධි පීඩන ජල ප්‍රහාරක රථ කැඳවා ඇත.

කෙසේ වෙතත්, තත්ත්වය පාලනය කිරීම සඳහා පොලීසිය, පොලිස් කැරලි මර්දන ඒකකය, පොලිස් විශේෂ කාර්ය බලකාය, යුද හමුදාව සහ නාවික හමුදාව එම ස්ථානයට කැඳවා ආරක්ෂාව තර කර ඇත.