මහ පරිමාණ ගංවතුර සහ නායයෑම් තත්ත්වයන්ගේ සිට තනි පුද්ගල හදිසි ආපදා දක්වා ජනතාව අනතුරට පත්වන ඕනෑම මොහොතක, වහා ක්රියාත්මක වීම පිණිස ශ්රී ලංකා ත්රිවිධ හමුදාව නිරන්තරයෙන් සූදානමින් සිටියි.
ඊයේ (06) දින මහනුවර, ගන්නේරුව විදුලි හා යාන්ත්රික ඉංජිනේරු පාසලේ රාජකාරියේ නිරතව සිටි S/629506 කෝප්රල් සන්දමාල් A.D.M. සහ S/629417 කෝප්රල් විජේවර්ධන D.M.T.I. යන සෙබළුන් දෙදෙනා වෙත, කාන්තාවක මහවැලි ගඟේ සැඩ පහරට හසුව ගසාගෙන යන බවට තොරතුරක් ලැබි ඇත.
ඒ අනුව, එම පාසලේ සේනාවිධායකගේ උපදෙස් මත කිසිදු පැකිලීමකින් තොරව වහා ක්රියාත්මක වූ මෙම සෙබළුන් දෙදෙනා, එම කාන්තාව මුදාගැනීමට කටයුතු කළේය.
තම ජීවිත පරදුවට තබමින් ක්රියා කළ මෙම සෙබළුන් දෙදෙනා, එම කාන්තාව සුරක්ෂිතව ගොඩබිමට ගැනීමට සමත් වූහ.
මොවුන් දැක්වූ මෙම ක්ෂණික ප්රතිචාරය සහ වීර්යය තුළින් ගම්ය වන්නේ, අපගේ ත්රිවිධ හමුදාවේ වගකීම මාතෘ භූමිය සුරැකීමට පමණක් සීමා නොවී, සෑම පුරවැසියෙකුගේම ජීවිත ආරක්ෂා කිරීම දක්වා විහිදෙන බවයි.
පවතින අයහපත් කාලගුණික තත්ත්වයත් සමඟ මධ්යම කඳුකර ප්රදේශවල ප්රධාන ගංඟා කිහිපයක ජල මට්ටම ඉහළ යාම හේතුවෙන් පහත්බිම් රැසක් ජලයෙන් යට වී පවති.
ආපදාවට ලක්වූ ජනතාවට සහන සැලසීම සහ මුදා ගැනීමේ කටයුතු සඳහා ත්රිවිධ හමුදා කණ්ඩායම් මේ වන විටත් යොදවා ඇති අතර, ඉදිරියේදී ඇතිවිය හැකි ඕනෑම හදිසි තත්ත්වයකට ක්ෂණිකව මුහුණදීම සඳහා අතිරේක භට පිරිස්, උපකරණ සහ සම්පත් සූදානම් කර තබා ඇත.
