LIVE
ශ්රී ලාංකීය සංගීත ක්ෂේත්රයේ අද්විතීය සලකුණක් වූ ප්රවීණ ගායන ශිල්පිනී ආචාර්ය නන්දා මාලනී මහත්මිය අභාවප්රාප්ත වී ඇත.
ප්රවීණ ගායන ශිල්පිනී නන්දා මාලනී මහත්මිය මියයන විට 82 හැවිරිදි වියේ පසුවූ අතර ඇය නාවල ප්රදේශයේ පිහිටි සිය නිවසේදී අභාවප්රාප්ත වී ඇත.
ශ්රී ලාංකීය රස වින්දනීය ගීත කලාවට ඉතා වටිනාම සේවයක් ඉටුකළ ඇය සිය හඩින් මෙන්ම නිර්භීත කලා භාවිතයෙන්ද දේශයම කම්පනයට පත් කළ කලාකාරිණියක් වේ.
දශක ගණනාවක් පුරා ශ්රී ලාංකීය සංගීත ක්ෂේත්රයේ කළ මෙහෙවර වෙනුවෙන් නන්දා මාලනී මහත්මිය සම්මාන රැසකින් පිදුම් ලබා තිබේ.
ශ්රී ලාංකීය සංගීතයේ අනන්ය වූ ගායන ශෛලියකින් රසික හදවත් දිනාගත් නන්දා මාලනී මහත්මියගේ අභාවය මෙරට සංගීත ක්ෂේත්රයට මෙන්ම සුවහසක් රසික ජනතාවටද පිරිමැසිය නොහැකි පාඩුවකි.
