දිවයින පුරා මහජන සාමය පවත්වාගෙන යාම සඳහා දිස්ත්රික්ක රැසකට ත්රිවිධ හමුදාව කැඳවීමට ජනාධිපති අනුර කුමාර දිසානායක විසින් නියම කර ඇත.
ඒ අනුව ශ්රී ලංකා යුද හමුදාව, ශ්රී ලංකා නාවික හමුදාව සහ ශ්රී ලංකා ගුවන් හමුදාවේ සාමාජිකයන් මහජන සාමය පවත්වාගෙන යාම සඳහා කැඳවා ඇත.
මහජන ආරක්ෂක ආඥාපනතේ 12 වැනි වගන්තිය යටතේ ජනාධිපතිවරයා වෙත පැවරී ඇති බලතල අනුව මෙම නියමය නිකුත් කර ඇති අතර එය අද (27) දිනයේ සිට ක්රියාත්මක වේ.
කොළඹ, ගම්පහ, කළුතර, මහනුවර, මාතලේ, නුවරඑළිය, ගාල්ල, මාතර, හම්බන්තොට, යාපනය, කිලිනොච්චිය, මන්නාරම, වවුනියාව, මුලතිව්, මඩකලපුව, අම්පාර, ත්රිකුණාමලය, කුරුණෑගල, පුත්තලම, අනුරාධපුර, පොළොන්නරුව, බදුල්ල, මොණරාගල, රත්නපුර සහ කෑගල්ල යන පරිපාලන දිස්ත්රික්ක ඇතුළත් වේ.
කොළඹ, ගම්පහ, කළුතර, ගාල්ල, මාතර, හම්බන්තොට, යාපනය, කිලිනොච්චිය, මන්නාරම, මුලතිව්, මඩකලපුව, අම්පාර, ත්රිකුණාමලය සහ පුත්තලම යන දිස්ත්රික්ක සඳහා එම දිස්ත්රික්කවලට යාබද දේශීය ජල තීරයද නියමයට ඇතුළත් කර ඇත.
