නීතිවිරෝධී ලෙස මෙරටට ගෙන්වන ලද සුඛෝපභෝගී මෝටර් රථයක් සන්තකයේ තබාගැනීම සහ බදු වංචා කිරීම සම්බන්ධව චෝදනා වලට වරද පිළිගන්නා බව හිටපු අමාත්‍ය ජොන්ස්ටන් ප්‍රනාන්දු අධිකරණයට දැනුම් දී ඇත.
හිටපු අමාත්‍ය ජොන්ස්ටන් ප්‍රනාන්දු සිය නීතීඥවරුන් මාර්ගයෙන් කොටුව මහේස්ත්‍රාත් අධිකරණයට මේ බව දැනුම් දී ඇත.
ඒ සම්බන්ධයෙන් අධිකරණය සිය තීරණය නොවැම්බර් මස (11) වන දින ප්‍රකාශයට පත් කිරීමට නියමිතය.
කොළඹ පෞද්ගලික හෝටලයක් තුළ අතහැර දමා තිබියදී එම මෝටර් රථය සොයාගත් අතර රථවාහන පනත, මෝටර් රථ ලියාපදිංචි නොකිරීම, ව්‍යාජ ලියාපදිංචි අංක තහඩු භාවිතය සහ බදු පැහැර හරිමින් නීතිවිරෝධී ලෙස වාහන ගෙන්වීම යනාදී චෝදනා මොහුට එල්ල වී ඇත.
