ගෑස් සැපයුම කඩිනමින් යථා තත්ත්වයට පත් කරමින් දිවයින පුරා අඛණ්ඩව ගෑස් බෙදා හැරීම සහතික කිරීමට අවශ්‍ය සියලුම පියවර ගෙන ඇති බව ලිට්‍රෝ ගෑස් සමාගම සඳහන් කරයි.
LP ගෑස් මෙට්‍රික් ටොන් 3,000ක පමණ තොගයක් රැගත් ‘FRANCOIS’ නෞකාව ඊයේ (27) ශ්‍රී ලංකාවට ළඟා වී ඇති අතර එහි ගෑස් ගොඩබෑමේ කටයුතු ද එදිනම ආරම්භ කළ බව එම සමාගම සඳහන් කරයි.
පසුගිය (23) වනදා සිට ඊයේ (27) දිනය දක්වා දිනකට කිලෝග්‍රෑම් 12.5ක ගෘහස්ථ ගෑස් සිලින්ඩර 90,000ත් 100,000ත් අතර ප්‍රමාණයක් වෙළෙඳපොළට නිකුත් කිරීමට පියවර ගෙන ඇති බවද එම සමාගම සඳහන් කරයි.
තවද, LP ගෑස් මෙට්‍රික් ටොන් 3,900ක පමණ තොගයක් රැගත් තවත් නෞකාවක් ලබන (31) වනදා මෙරටට ළඟා වීමට නියමිත බවද එම සමාගම සඳහන් කරයි.
එබැවින් ඉදිරි දින කිහිපය තුළ පාරිභෝගිකයින් හට ගෘහස්ත ගෑස් කිසිදු හිඟයකින් තොරව වෙළෙඳපොළෙන් ලබාගත හැකි බවද එම සමාගම සඳහන් කරයි.
