වහාම ක්‍රියාත්මක වන පරිදි හිටපු අධිකරණ අමාත්‍ය විජයදාස රාජපක්ෂගේ පුත් රඛිත රාජපක්ෂට අයත් බැංකු ගිණුම් කිහිපයක් අත්හිටුවීමට අල්ලස් හෝ දූෂණ චෝදනා විමර්ශන කොමිෂන් සභාව විසින් පියවර ගෙන ඇත.
දැනට සිදු කරන විමර්ශනයකට අදාළව, අපරාධයකින් උපයාගත් දේපළ පිළිබඳ නීතියේ ප්‍රතිපාදනවලට අනුව මෙම පියවර ගෙන ඇති බව වාර්තා වේ.
ඒ අනුව අදාළ බැංකු ගිණුම් අත්හිටුවීමට අදාළ නිල දැනුම්දීමේ ලිපිය භාරදීම සඳහා අල්ලස් කොමිෂන් සභාවේ නිලධාරීන් කණ්ඩායමක් නාවල පිහිටි රඛිත රාජපක්ෂගේ නිවස වෙත ගොස් ඇත.
එහෙත්, අල්ලස් කොමිෂන් සභාවේ නිලධාරීන් අදාළ නිවේදනය භාරදීමට යන අවස්ථාවේදී රඛිත රාජපක්ෂ නිවසේ සිට නොමැති බව එම කොමිෂන් සභාව සඳහන් කරයි.
