10
Aug
අත්අඩංගුවට ගත් ශ්‍රී ලංකා පොදුජන පෙරමුණේ මහ ලේකම් සාගර කාරියවසම් අද (10) දින කඩුවෙල මහෙස්ත්‍රාත් අධිකරණයට ඉදිරිපත් කළේය.
මෙහිදී නීතිකෘතියේ දී දෙපාර්ශ්වයේ කරුණු ඉදිරිපත් කිරීම අද පස්වරු 4.30ට අවසන් වීමෙන් අනතුරුව ඇප නියෝගය ප්‍රකාශයට පත්කිරීම කඩුවෙල මහෙස්ත්‍රාත් අරුණ බුද්ධදාස විසින් කල්තබනු ලැබීය.
පැය තුනකට ආසන්න කාලයකට පසුව දෙපාර්ශ්වය විසින් ඉදිරිපත් කළ කරුණු සලකා බැලීමෙන් අනතුරුව පිටු 17කින් සමන්විත ඇප නියෝගය ප්‍රකාශයට පත් කළේය.
එහිදී ලක්ෂ 20 බැගින් වූ ශරීර ඇප දෙකක් මත හා විදෙස් ගමන් තහනමක් පනවනු ලැබූ අතර ඇප කොන්දේසි සම්පුර්ණ කිරීමෙන් අනතුරුව සාගර කාරියවසම් මුදාහැරීමට අධිකරණය නියෝග කළේය.
විපක්ෂයේ පාර්ලිමේන්තු මන්ත්‍රීවරුන් සහ දේශපාලන පක්ෂ නියෝජිතයින් ඇතුළු පිරිසක් අධිකරණ පරිශ්‍රයට පැමිණ සිටියහ.
