රාජ්ය බුද්ධි සේවයේ හිටපු ප්රධානී තුවාන් සුරේෂ් සලේ පාස්කු ප්රහාරයේ මහ මොළකරු වශයෙන් කටයුතු කර තිබෙන බවට පැහැදිලි වන බව අතිරේක සොලිසිටර් ජනරාල් දිලීප පිරිස් අධිකරණයට දැනුම් දුන්නේය.
පාස්කු ප්රහාරය ගැන පැමිණිල්ල (20) දින කොළඹ කොටුව මහේස්ත්රාත් පසන් අමරසේන ඉදිරියේ කැඳවූ අවස්තාවේදි අතිරේක සොලිසිටර් ජනරාල් දිලීප පිරිස් මේ බව සඳහන් කරයි.
“පාස්කු ප්රහාරය සම්බන්ධයෙන් චැනල් ෆෝ නාලිකාවට ප්රකාශයක් සිදුකළ අසාත් මවුලානා නමැත්තාගෙන් ප්රංශයේදී ප්රකාශයක් සටහන් කරගෙන තිබෙනවා. අපරාධ පරීක්ෂණ දෙපාර්තමේන්තුවේ අධ්යක්ෂ ශානි අබේසේකර ඇතුළු නිලධාරීන් කණ්ඩායමක් ප්රංශයට ගිහින් එහි ශ්රී ලංකා තානාපතිවරයාගේ නිල නිවසේදී තමයි මේ ප්රකාශය සටහන් කර ගත්තේ.
ඔහු එම ප්රකාශය තුළින් පාස්කු ප්රහාරය ගැන දීර්ඝ විස්තරයක් කර තිබෙනවා. ඔහුගේ ප්රකාශයට අනුව තුවාන් සුරේෂ් සලේ මේ ප්රහාරයේ මහ මොළකරු වශයෙන් කටයුතු කර තිබෙන බව පැහැදිලි වෙනවා. දේශපාලන අවශ්යතාවක් ඉටුකිරීම සඳහා යි එය කර තිබෙන්නේ.”
‘අසාත් මවුලානා’ කියන්නේ හිටපු රාජ්ය ඇමති සිවනේෂතුරෙයි චන්ද්රකාන්තන් හෙවත් පිල්ලයාන්ගේ ලේකම්.
අලියාර් කියන හංදියේදි ගැටුමක් ඇතිවී සෙයිනි මවුලවී කියන පුද්ගලයෙක් අත්අඩංගුවට ගෙන බන්ධනාගාරගත කර ඇත. ඔහු බෝම්බ පුපුරවාගෙන මැරුණු සහරාන් හෂිම්ගේ කල්ලියේ සාමාජිකයෙකි.
අතිරේක සොලිසිටර් ජනරාල් දිලීප පිරිස් සඳහන් කළේ,
“ස්වාමීනි, අලියාර් හංදියේ ඇති වූ ගැටුමක් සම්බන්ධයෙන් සහරාන් හෂීම්ගේ කල්ලියේ සාමාජිකයෙක් වන සෙයිනි මවුලවි බන්ධනාගාරගත වෙනවා. මේ සෙයිනි මවුලවි කියන පුද්ගලයා සහ පිල්ලයාන් සිටින්නේ එක ම සිරකුටියේ. සෙයිනි මවුලවි පිල්ලයාන්ට ප්රකාශ කරනවා අපේ කණ්ඩායමේ ඉන්නවා මැරෙන්න සූදානම් පිරිසක් කියලා.
මේ තොරතුර සැකකාර සුරේෂ් සලේට ආරංචි වෙනවා. ඔහු මේ මැරෙන්න කැමති කට්ටියගෙන් වැඩක් ගන්න කටයුතු කරනවා. ඒ අනුව තමයි සෙයිනි, සලේ සහ පිල්ලෙයාන් සම්බන්ධ වෙන්නේ. පාස්කු ප්රහාරයෙන් මියගිය සහරාන් හෂීම් ඇතුළු ස්වයංඝාතක ප්රහාරයකින් හය දෙනෙකු පුත්තලමේදී සුරේෂ් සලේ හමුවී සාකච්ඡා කරලා තිබෙනවා. පාස්කු ප්රහාරය සිදුවූ අවස්ථාවේදී සැකකාර සුරේෂ් සලේ අසාද් මවුලානාට ඇමතුමක් ලබා දෙනවා. ඇමතුමක් දීලා කියනවා ටාජ් සමුද්රා ඒක ළඟට ගිහිල්ලා එහි සිටින පුද්ගලයෙක්ව ගන්නා ලෙසට.
ඔහුගේ දුරකතනය භාරයට ගන්න කියලත් කියනවා. ඒ පුද්ගලයා තමයි දෙහිවලදී බෝම්බයක් පුරවා ගත් ජමීල් නමැත්තා. මේ ජමීල් නමැති බෝම්බකරු අහිංසක පුද්ගලයෙකු බවට වරුණ ජයසුන්දර සඳහන් කර තිබෙනවා. ඒ නිසා අපි වරුණ ජයසුන්දර නමැති නිලධාරියා සම්බන්ධයෙනුත් විමර්ශනය කරනවා.”
තවත් වැදගත් කොටසක් වන්නේ, පාස්කු ප්රහාරයෙන් පසුව මහින්ද රාජපක්ෂ, බැසිල් රාජපක්ෂ සහ නාමල් රාජපක්ෂ මඩකලපුව බන්ධනාගාරයට ගොස් සිවනේෂතුරෙයි චන්ද්රකාන්තන් හෙවත් පිල්ලයාන් හමුවී තිබෙනවා.
අතිරේක සොලිසිටර් ජනරාල් දිලීප පිරිස් සඳහන් කළේ,
“මේ ප්රහාරයෙන් පසුව මහින්ද රාජපක්ෂ, බැසිල් රාජපක්ෂ සහ නාමල් රාජපක්ෂ යන අය මඩකලපුව බන්ධනාගාරයට ගිහින් පිල්ලෙයාන් හමුවෙනවා. ගෝඨාභය රාජපක්ෂ ජනාධිපති වී සතියකින් එළියට ගන්නා බවට ඔවුන් පිල්ලෙයාන්ට දැනුම් දෙනවා. ඒ අනුව ගෝඨාභය රාජපක්ෂ ජනාධිපති වෙනවා. ඉන් පසුව යුද හමුදා බුද්ධි අංශ ප්රධානියා වශයෙන් කටයුතු කර තිබූ සුරේෂ් සලේව සමස්ත රාජ්ය බුද්ධි සේවයේම ප්රධානියා වශයෙන් පත් කරනවා.
එසේ කරන්නේ බුද්ධි තොරතුරු වෙනත් අංශ වෙත ගමන් කිරීම වැළැක්වීමටයි. සෙයිනි මවුලවි රක්ෂිත බන්ධනාගාරගත වුණා ම ඔහුට ඇප ගන්න රුපියල් දෙලක්ෂ පනස් දහසක මුදලක් වැය කරනවා. ඒ මුදල ගෙවලා තිබෙන්නේ යුද හමුදා බුද්ධි අංශයෙන්. ස්වයංඝාතකයින් ආරක්ෂා කර ගන්න අපේ මහජන මුදල් වැය කර තිබෙනවා.
එසේ කරලා තිබෙන්නේ මාස හයකින් එළඹෙන ඡන්දය තෙක් මෙම අන්තවාදී ක්රියා සම්බන්ධ තොරතුරු හෙළිදරව් වීම වැළැක්වීමට යි. පිල්ලෙයාන්ගේ කල්ලිය සහ යුද හමුදා බුද්ධි අංශය එකට කටයුතු කර තිබෙනවා. එසේ කටයුතු කර තිබෙන්නේ රටේ රාජ්ය ආරක්ෂාව වෙනුවෙන් නෙමෙයි. දේශපාලන විරුද්ධවාදීන්ගෙන් පළිගැනීමට හා ඝාතන සිදු කරන්නයි එසේ කටයුතු කරලා තිබෙන්නේ.
අසාද් මවුලානාගේ ප්රකාශයෙන් හෙළිදරව් වෙලා තිබෙනවා පිල්ලෙයාන්ගේ කල්ලිය සහ යුද හමුදා බුද්ධි අංශය එක්ව සිදුකළ අපරාධ ගැන. මාධ්යවේදීන් වන ප්රගීත් එක්නැලිගොඩ පැහැරගෙන යාම කීත් නොයාර්ට පහර දීම, ලසන්ත වික්රමතුංග ඝාතනය, උපාලි තෙන්නකෝන්ට පහර දීම වැනි කටයුතු වලට මෙම කල්ලි සම්බන්ධ වී තිබෙනවා.
පිල්ලෙයාන්ගේ කල්ලියේ දෙදහකට අධික පිරිසකට යුද හමුදා බුද්ධි අංශයෙන් වැටුප් ගෙවා තිබෙනවා. ඒ රාජ්ය ආරක්ෂාව වෙනුවෙන් නෙවෙයි. දේශපාලන කොන්ත්රාත් කරන්න යි මේ වගේ දේවල් කරලා තියෙන්නේ. මෙවැනි ක්රියා වැළැක්වීමට කටයුතු කරන්න කියලා මම යුද හමුදාපතිවරයාට ලිඛිතව දැනුම් දීලා තිබෙනවා. මෙවැනි ක්රියා දිගට ම සිදුවුණොත් යුද හමුදාපතිවරයාවත් සැකකරුවෙක් හැටියට අධිකරණයට ගේන්න වෙනවා තොරතුරු වසන් කිරීම සම්බන්ධව.
පාස්කු ප්රහාරයෙන් පසුව අසාත් මවුලානාගේ පවුලේ අයව අහුන්ගල්ලේ හෝටලයකට ගෙන්වාගෙන තිබෙනවා. සුරේෂ් සලේ විසින් තමයි එය කර තිබෙන්නේ. තානාපති කාර්යාලයේ රැකියාවක් ලබා දෙන බවටත් ඔහුට සඳහන් කර තිබෙනවා. මේ හෝටලේ ලොග් පොත්වල සටහන් සියල්ල අපි ලබාගෙන තිබෙනවා.”
ඒ අනුව පිල්ලෙයාන්ගේ කල්ලියයි, හමුදා බුද්ධි අංශයයි එකට කටයුතු කරලා තිබෙන බව අධිකරණයේදී අනාවරණය වෙයි.
මේ කල්ලි දෙක මාධ්යවේදී ප්රගීත් එක්නැලිගොඩ පැහැරගෙන යාම, කීත් නොයාර්ට පහර දීම, ලසන්ත වික්රමතුංග ඝාතනය, උපාලි තෙන්නකෝන්ට පහර දීම වැනි නින්දිත කටයුතු වලට සම්බන්ධ වී තිබෙනවා.
අතිරේක සොලිසිටර් ජනරාල් දිලීප පිරිස් සඳහන් කළේ,
“පිල්ලෙයාන්ගේ කල්ලිය සහ යුද හමුදා බුද්ධි අංශය එකට කටයුතු කර තිබෙනවා. එසේ කටයුතු කර තිබෙන්නේ රටේ රාජ්ය ආරක්ෂාව වෙනුවෙන් නෙමෙයි. දේශපාලන විරුද්ධවාදීන්ගෙන් පළිගැනීමට හා ඝාතන සිදු කරන්නයි එසේ කටයුතු කරලා තිබෙන්නේ. අසාද් මවුලානාගේ ප්රකාශයෙන් හෙළිදරව් වෙලා තිබෙනවා පිල්ලෙයාන්ගේ කල්ලිය සහ යුද හමුදා බුද්ධි අංශය එක්ව සිදුකළ අපරාධ ගැන.
මාධ්යවේදීන් වන ප්රගීත් එක්නැලිගොඩ පැහැරගෙන යාම කීත් නොයාර්ට පහර දීම, ලසන්ත වික්රමතුංග ඝාතනය, උපාලි තෙන්නකෝන්ට පහර දීම වැනි කටයුතුවලට මෙම කල්ලි සම්බන්ධ වී තිබෙනවා. පිල්ලෙයාන්ගේ කල්ලියේ දෙදහකට අධික පිරිසකට යුද හමුදා බුද්ධි අංශයෙන් වැටුප් ගෙවා තිබෙනවා. ඒ රාජ්ය ආරක්ෂාව වෙනුවෙන් නෙවෙයි. දේශපාලන කොන්ත්රාත් කරන්න යි මේ වගේ දේවල් කරලා තියෙන්නේ. මෙවැනි ක්රියා වැළැක්වීමට කටයුතු කරන්න කියලා මම යුද හමුදාපතිවරයාට ලිඛිතව දැනුම් දීලා තිබෙනවා.
මෙවැනි ක්රියා දිගට ම සිදුවුණොත් යුද හමුදාපතිවරයාවත් සැකකරුවෙක් හැටියට අධිකරණයට ගේන්න වෙනවා තොරතුරු වසන් කිරීම සම්බන්ධව. පාස්කු ප්රහාරයෙන් පසුව අසාත් මවුලානාගේ පවුලේ අයව අහුන්ගල්ලේ හෝටලයකට ගෙන්වාගෙන තිබෙනවා. සුරේෂ් සලේ විසින් තමයි එය කර තිබෙන්නේ. තානාපති කාර්යාලයේ රැකියාවක් ලබා දෙන බවටත් ඔහුට සඳහන් කර තිබෙනවා. මේ හෝටලේ ලොග් පොත්වල සටහන් සියල්ල අපි ලබාගෙන තිබෙනවා.”
මේ පාර රාජ්ය තවමත් බලගතුයි. තාම ක්රියාත්මකයි. එනිසා වත්මන් ආණ්ඩුවට දැන් විශාල අභියෝගයක් තිබෙනවා.
එනිසා වත්මන් ආණ්ඩුවට රාජ්ය බුද්ධි සේවයේ හිටපු ප්රධානී තුවාන් සුරේෂ් සලේ සහ ප්රංශයේ සිටින අසාත් මවුලානා ආරක්ෂා කරගනීමට සිදුවනවා.
අතිරේක සොලිසිටර් ජනරාල් දිලීප පිරිස් තවදුරටත් සඳහන් කළේ,
“කිසිදු සැකයක් නෑ. සුරේෂ් සලේ තමයි පාස්කු ප්රහාරයේ ප්රධාන ග්රහයා. ඔහු වටේ තමයි අනෙකුත් ග්රහයින් කැරකිලා තියෙන්නේ. සුරේෂ් සලේ මේ ක්රියාව කළේ කා වෙනුවෙන් ද.? ඒ ගැනත් අපි පරීක්ෂණය කරනවා. පරීක්ෂණ කරලා ඊට වගකිව යුතු ප්රධාන පුද්ගලයින් නීතිය ඉදිරියට ගේන්න අපි කටයුතු කරනවා.”
