මේ වසරේ පැවැත්වීමට නියමිත ජනාධිපතිවරණය ඉලක්ක කරගනිමින් ශ්රී ලංකා පොදුජන පෙරමුණ, එක්සත් ජාතික පක්ෂය සහ වෙනත් කුඩා පක්ෂ කිහිපයක් සමඟ සන්ධානගතවී තරග කිරීමේ එකඟතාවක් ඇති කර ගැනීමේ සැලසුමක් මේ වනවිට පවතින බව දේශපාලන ආරංචි මාර්ග සඳහන් කරයි.
මේ වනවිටත් ප්රධාන පක්ෂ දෙක අතර ප්රතිපත්තිමය එකඟතාවන් ගොඩ නඟා ගැනීම සඳහා සාකච්ජා පැවැත්වෙමින් ඇති බවත්, ජාතික දේශපාලනික ප්රතිපත්තීන් සම්බන්ධයෙන් එකඟතාවක් ඇති කරගැනීමට උත්සාහ දරමින් සිටින බවත් ආරංචි මාර්ග සඳහන් කරයි.
ප්රධාන පක්ෂ දෙක අතර ප්රතිපත්තිමය එකඟතාවකට පැමිණීමට හැකියාවක් ලැබේනම් ඉදිරි ජනාධිපතිවරණයට පොදු අපේක්ෂකයකු හරහා පොදු ලකුණකින් තරඟ කෙරෙනු ඇති.
එසේ නොවේනම් ශ්රී ලංකා පොදුජන පෙරමුණෙන් ජනාධිපති අපේක්ෂකයකු නම් කෙරෙන බවත් එම පක්ෂයේ ප්රකාශකයකු පැවැසීය.
කෙසේ වුවත් එන ඕනෑම මැතිවරණයක් ජයග්රහණය කිරීම සඳහා ශ්රී ලංකා පොදුජන පෙරමුණ මේ වන විටත් ගෙන් ගෙට ගොස් ජනතාව දැනුවත් කිරීමේ වැඩපිළිවෙළක් ක්රියාත්මක කර ඇති බවට එම පක්ෂය ප්රකාශ කරයි.