ඩොලරය ස්ථාවර කිරීමට මහ බැංකුව යෙදුවේ තාවකාලික පිළියම් බවත් විනිමය, පොලී අනුපාතිකය සහ උද්ධමනයත් ස්ථාවර කිරීමේ වගකීමේ තිබෙන්නේ මහ බැංකුවට බව හිටපු පාර්ලිමේන්තු මන්ත්රී උදය ගම්මන්පිල සඳහන් කරයි.
එවැනි පසුබිමක නූල කැඩුණු සරුංගලේ වගේ රුපියල පාවෙන තුරු මහ බැංකුව පොල් ගෑවාද කියලා ප්රශ්න කිරීමට සිදුවන බවද උදය ගම්මන්පිල සඳහන් කරයි.
පිවිතුරු හෙළ උරුමයේ පක්ෂ කාර්යාලයේ පැවති මාධ්ය හමුවකදී උදය ගම්මන්පිල සඳහන් කළේ,
“විනිමය අනුපාතිකය, පොලී අනුපාතිකය වගේම උද්ධමනයත් ස්ථාවර කිරීමේ වගකීමේ තිබෙන්නේ මහ බැංකුවට. එවැනි පසු බිමක නූල කැඩුණු සරුංගලේ වගේ රුපියල පාවෙන තුරු මහ බැංකුව පොල් ගෑවාද කියලා අපට ප්රශ්න කරන්න වෙනවා.
මහ බැංකුව මුල් අවස්ථාවේම විදේශ විනිමය අනුපාතය පාලනය කරන්න මැදිහත් නොවුණු නිසා අවසානයේ ඩොලර් මිලියන 500කට ආසන්න ප්රමාණයකින් අපේ විදේශ විනිමය සංචිතය අඩු කර ගන්න වුණා කියන චෝදනාව අපි කරනවා.
ඒ වගේම මහ බැංකුව බලහත්කාරයෙන් විනිමය අනුපාතය පහත තියා ගන්න උත්සාහ කළොත් ඒකෙන් වෙන්නේ දැවැන්ත කළු වෙළෙඳපොළක් නිර්මාණය වීමයි කියන එක තමයි 2022 දී අපි ඉගෙන ගත්තු තිත්ත පාඩම.”
