මහර බන්ධනාගාරයේ නොසන්සුන්කාරී තත්ත්වය පාලනය කළ බවත් මේ වනවිට එහි තත්වය සාමකාමී බව මහජන ආරක්ෂක අමාත්ය ආනන්ද විජේපාල සඳහන් කරයි.
බන්ධනාගාරය තුළ ආරක්ෂාවට විශේෂ කාර්ය බලකාය (STF) යොදවා ඇති බවත් සියලුම රැදවියන් වාට්ටු තුළට යවා ඇති අතර උදෑසන ආහාර ලබාදීමට කටයුතු කරමින් ඇති බවද අමාත්ය ආනන්ද විජේපාල සඳහන් කරයි.
මහර බන්ධනාගාරයේ වාට්ටු හැර සියලු පරිපාලන ගොඩනැගිලි, කාර්යාල, මුළුතැන්ගෙය, ජල සැපයුම්, වැසිකිලි සහ වැසිකිලි වලවල් පවා විනාශ කර ඇති බව මහර බන්ධනාගාර නිලධාරීන් පවසන බව අමාත්යවරයා සඳහන් කරයි.
බන්ධනාගාර රැඳවියන් විසින් මුළුතැන්ගෙය සම්පුර්ණයෙන්ම විනාශ කරලා, අලුතින් විවෘත කළ පුනුරුත්තාපන ගොඩනැගිල්ල සම්පුර්ණයෙන් විනාශ කරලා, පුනුරුත්තාපන කාර්යාලය, ප්රධාන ජේලර් කාර්යාලය සම්පුර්ණයෙන්ම විනාශ කරලා, බන්ධනාගාර රෝහල විනාශ කරලා, ප්රධාන ගේට්ටුවට පහරදී කඩාගෙන යාමට උත්සාහ කරලා.
මේ අතර රාගම පොලිස් බල ප්රදේශයේ ග්රාමසේවා වසම් තුනක් සඳහා ඊයේ (01) දින රාත්රියේ පනවා තිබූ පොලිස් ඇඳිරි නීතිය තවදුරටත් බලාත්මකය.
