විදේශ කටයුතු අමාත්ය විජිත හේරත් සහ ඉරාන විදේශ අමාත්ය අබ්බාස් අරග්චි සමඟ දුරකථන සංවාදයක් පවත්වා ඇත.
මෙම සංවාදය අතරතුර, ඉරාන විදේශ අමාත්යවරයා විසින් IRIS Dena නෞකාවේ නාවිකයින් බේරා ගැනීමේ මෙහෙයුමේදී ශ්රී ලංකා රජය දැරූ උත්සාහයන් සහ IRIS Dena නෞකාවේ කාර්ය මණ්ඩලයේ සහ අනෙකුත් ඉරාන නාවික නිලධාරීන්ගේ මළ සිරුරු ඉරානයට ආපසු භාරදීමට සහාය වීම පිළිබඳව කෘතඥතාව පළ කර ඇත.
අමෙරිකාව විසින් IRIS Dena නෞකාවට එල්ල කළ ප්රහාරය පෙර නොවූ විරූ යුධ අපරාධයක් ලෙසත් මෙය ජාත්යන්තර මානුෂීය නීතියේ මූලික නීති සහ 1949 ජිනීවා සම්මුතීන් බරපතළ ලෙස උල්ලංඝනය කිරීමක් වන අතර මෙම අපරාධය ඉරානය කිසිදා අමතක නොකරන බව ඉරාන විදේශ අමාත්ය අබ්බාස් අරග්චි අවධාරණය කර ඇත.
තවද අපරාධකරුවන් සහ වගකිව යුතු පිරිස වගකිව යුත්තන් බවට සහතික කර ඔවුන් නීතිය හමුවට පමුණුවා ගැනීමට සියලු නීතිමය සහ දේශපාලනික ක්රම භාවිතා කරන බවද ඉරාන විදේශ අමාත්ය අබ්බාස් අරග්චි අවධාරණය කර ඇත.
ශ්රී ලංකාවේ ඉරාන තානාපති කාර්යාලය නිකුත් කළ නිවේදනයකට අනුව, අමාත්ය අරග්චි සහ අමාත්ය විජිත හේරත් ද්විපාර්ශ්වික සබඳතා සහ කලාපීය වර්ධනයන් පිළිබඳව ද සාකච්ඡා කර ඇත.
