පාස්කු ත්රස්ත ප්රහාරයක් එල්ල බවට කලින් බුද්ධි තොරතුරු ලැබී තිබියදී එය වළක්වා ගැනීමට කටයුතු නොකිරීම තුළින් සාපරාධි ලෙස රාජකාරිය පැහැර හැරීම ඇතුළු චෝදනා යටතේ තමන්ට එරෙහිව ගොනුකර තිබෙන නඩුවේ විත්ති කූඩුවේ සිට තමන් සිදුකළ ප්රකාශයට අලුතින් කරුණු එක් කිරීමට අවසර දෙන ලෙස විත්තිකාර හිටපු පොලිස්පති පූජිත් ජයසුන්දර විසින් කළ ඉල්ලීම කොළඹ ත්රිපුද්ගල මහාධිකරණ විනිසුරු මඩුල්ල අද (24) දින ප්රතික්ෂේප කළේය.
ප්රියන්ත ලියනගේ ප්රමුඛ ත්රී පුද්ගල මහාධිකරණ විනිසුරු මඩුල්ලක් විසින් මෙම නියෝගය ලබාදී ඇත.
මෙම නඩුවේ විත්තියේ සාක්ෂිකරුවන් වශයෙන් විශ්රාමික ජේෂ්ඨ නියෝජ්ය පොලිස්පති නන්දන මුණසිංහ සහ නැගෙනහිර පළාත භාර නියෝජ්ය පොලිස්පති වරුණ ජයසුන්දර අධිකරණය හමුවේ පෙනී සිටියේය.