LIVE
තමාට දැන් ආදායමක් නොමැති බවත් තමන් ජීවත් වන්නේ බිරිඳගේ විශ්රාම වැටුපෙන් සහ මිතුරන්ගේ සහයෝගයෙන් බව හිටපු අමාත්ය රාජිත සේනාරත්න සඳහන් කරයි.
තමන් දැනට භාවිතා කරන වාහනය මිතුරෙකු විසින් ලබා දුන් එකක් බවත් පදිංචිව සිටින නිවසේ කුලිය ගෙවන්නේ සිය හිතවතෙකු විසින් බවද රාජිත සේනාරත්න සඳහන් කරයි.
රාජිත සේනාරත්න තවදුරටත් සඳහන් කළේ,
“මට දැන් සත පහක ආදායමක් නෑ. මගේ බිරිඳ විශේෂඥ වෛද්යවරියක් නිසා ඇයට ලැබෙන විශ්රාම වැටුප තියෙනවා. ඒ වගේම මගේ ආච්චි අම්මාගෙන් ලැබුණු කුඩා වත්තක් තියෙනවා, ඒකෙන් යම් ආදායමක් ලැබෙනවා. අපි ජීවත් වෙන්න ඒක ඇති වුණත්, දේශපාලනය කරන්න ඒ මුදල් මදි.”
නාලිකාවක් සමග පැවති සාකච්ඡාවකට එක්වෙමින් රාජිත සේනාරත්න මේ බව සඳහන් කරයි.
