By unusuma.lk on [last-modified] (LK time)
පසුගිය 2024 වසරේ ලංකා පිඟන් සංස්ථාවේ රුපියල් කෝටි 64කට වැඩි පාඩුවක් සිදුව ඇති බව විගණන වාර්තාවකින් අනාවරණය වී ඇත.
2024 වසරේ ලංකා පිඟන් සංස්ථාව රුපියල් 54,201,583ක ශුද්ධ අලාභයක් වාර්තා කර තිබෙන අතර සමාලෝචිත වර්ෂය අවසානයේදී ලබා ඇති සමස්ත අලාභය රුපියල් 645,221,653ක් බව එම විගණන වාර්තාවේ දැක්වෙයි.
තවද පිඟන් සංස්ථාවෙහි වත්කම් ඉක්ම වූ වගකීමක් පවතින බැවින් එහි අඛණ්ඩ පැවැත්ම අවදානම් තත්ත්වයක පවතින බවද විගණනයේදී නිරීක්ෂණය වී ඇත.
ඒ සම්බන්ධයෙන් ඉහළ කළමනාකාරීත්වයේ අවධානය යොමු කර තත්ත්වය සමනය කර ගැනීම සඳහා අවශ්ය ක්රියාමාර්ග ගතයුතූ බවටයි විගණනය නිර්දේශ කර තිබුණේය.
මේ අතර ජනතා වතු සංවර්ධන මණ්ඩලයෙන් සහ දේශීය ආදායම් දෙපාර්තමේන්තුව මගින් පිඟන් සංස්ථාවට ලැබිය යුතු මුදල් අය කර ගැනීමට කටයුතු කර නොමැති බවද විගණනයෙහි සඳහන් කර ඇත.
2012 වර්ෂයේ සිට ජනතා වතු සංවර්ධන මණ්ඩලයෙන් රුපියල් ලක්ෂ 50ක් සහ දේශීය ආදායම් දෙපාර්තමේන්තුවෙන් රුපියල් දොලොස් ලක්ෂ විසිඑක් දහසකට අධික මුදලක් අය කරගෙන නැති බවද විගණනයෙහි සඳහන් කර ඇත.
