LIVE
මහර බන්ධනාගාරය තුළ ඇතිවු ගැටුම්කාරී තත්ත්වය හේතුවෙන් රැඳවියන් කිහිපදෙනෙකු ජීවිතක්ෂයට පත්ව ඇති බවට තොරතුරු වාර්තා වන බව සිරකරු අයිතිවාසිකම් සුරැකීමේ කමිටුව (CPRP) සඳහන් කරයි.
බන්ධනාගාර නිලධාරීන් විසින් රැඳවියන්ට වෙඩි තැබීම් සිදුකරන බවත්, එහිදී තුවාල ලැබූවන්ට උපකාර කිරීමට ඉදිරිපත් වන අනෙකුත් රැඳවියන්ව වැළැක්වීමට නිලධාරීන් කටයුතු කරන බවත් මෙම තත්ත්වය ඉතා බරපතළ මෙන්ම මානුෂීය වශයෙන් බියකරු වාතාවරණයක් බව එම සංවිධානය සඳහන් කරයි.
පවතින තත්ත්වය පාලනය කිරීම, රැඳවියන්ගේ ජීවිත ආරක්ෂා කිරීම සඳහා ශ්රී ලංකා මානව හිමිකම් කොමිෂන් සභාවට එම පරිශ්රයට ඇතුළු වීමට නීත්යානුකූල බලය පවතින බැවින්, කිසිදු ප්රමාදයකින් තොරව මානව හිමිකම් කොමිසමේ කණ්ඩායමක් මහර බන්ධනාගාරය වෙත පිටත් කර හරින ලෙස එම කමිටුව ඉල්ලා සිටියි.
