හිටපු ජනාධිපති ගෝඨාභය රාජපක්ෂ විසින් ඉදිරිපත් කර තිබූ මෝසම අද (28) දින කොළඹ කොටුව මහේස්ත්‍රාත් අධිකරණයේදී කැඳවයි.
හිටපු ජනාධිපති ගෝඨාභය රාජපක්ෂ විසින් විදෙස් ගමන් තහනම ඉවත් කරන ලෙස ඉල්ලා ඉදිරිපත් කරන ලද මෝසමක් සලකා බැලීම තවදුරටත් කල්ගොස් ඇත.
ඒ පැමිණිල්ල වෙනුවෙන් පෙනී සිටින පොලීසිය හා නීතිපතිවරයා නියෝජනය කරමින් කිසිවකු අධිකරණය හමුවේ පෙනී නොසිටීම හේතුවෙනි.
ඒ අනුව එම මෝසම කැඳවීම නොවැම්බර් මස (04) දින දක්වා කල්ගොස් ඇති අතර එදින අධිකරණය හමුවේ පෙනී සිටින ලෙස අපරාධ පරීක්ෂණ දෙපාර්තමේන්තුවට නොතීසි නිකුත් කර ඇත.
පාස්කු ඉරුදින ප්‍රහාරය සම්බන්ධයෙන් අපරාධ පරීක්ෂණ දෙපාර්තමේන්තුව විසින් සිදුකරන විමර්ශනයට අදාළව හිටපු ජනාධිපති ගෝඨාභය රාජපක්ෂට විදෙස් ගමන් තහනමක් පනවා ඇත.
