අද (31) දින මාධ්ය රාත්රියේ සිට ක්රියාත්මක වන පරිදි ඉන්ධන මිල ගණන් සංශෝධනය කිරීමට ඛනිජ තෙල් නීතිගත සංස්ථාව පියවර ගෙන ඇත.
ජනාධිපති අනුර කුමාර දිසානායකගේ අණ පරිදි අති විශේෂ ගැසට් නිවේදනයක් නිකුත් කර ඇත.
ඒ අනුව විදුලි බලය සැපයීම සම්බන්ධ සියලු සේවාවන්, ඉන්ධන, ඛනිජ තෙල් නිෂ්පාදන, ගෑස් සැපයීම හෝ බෙදාහැරීම, රෝහල්, බෙහෙත් ශාලා, මගී හෝ භාණ්ඩ ප්රවාහනය ආදී සේවා රැසක් අත්යාවශ්ය සේවා ලෙස ප්රකාශයට පත් කරමින් අති විශේෂ ගැසට් නිවේදනය නිකුත් කර ඇත.
පුරප්පාඩුව පවතින විගණකාධිපති ධුරය සඳහා ජනාධිපති අනුර කුමාර දිසානායක විසින් තවත් නමක් යෝජනා කර ඇත.
ඒ අනුව ජනාධිපති අනුර කුමාර දිසානායක විසින් පස්වන නම යෝජනා කළ බවත් හෙට (31) දින රැස්වන ව්යවස්ථාදායක සභාව රැස්වීමේදී ඒ සම්බන්ධයෙන් අවසන් තීරණයක් ගැනීමට නියමිත බව ප්රවාහන, මහාමාර්ග අමාත්ය බිමල් රත්නායක සඳහන් කරයි.
මීට පෙර අවස්ථා 4කදී ජනාධිපතිවරයා විසින් විගණකාධිපති ධුරය සඳහා නම් 4ක් යෝජනා කළ අතර ව්යවස්ථාදායක සභාව නිසි පරිදි විධායක බලය ඉටු නොකිරීම හේතුවෙන් මේ දක්වාත් විගණකාධිපති ධුරය හිස්ව පවතියි.
හිටපු ජනාධිපති රනිල් වික්රමසිංහ ඔහුගේ බිරිඳ වන මහාචාර්ය මෛත්රී වික්රමසිංහගේ උපාධි ප්රධාන උත්සවයක් සඳහා සහභාගි වූ සංචාරය පෞද්ගලික සංචාරයක් බවට මේ වනවිට අනාවරණය වී ඇත.
ඒ අනුව හිටපු ජනාධිපති රනිල් වික්රමසිංහට අදාළ විමර්ශන කටයුතු මාසයක් තුළ අවසන් කර එළඹෙන මාර්තු මාසයේදී නඩු පැවරීමට කටයුතු කරන බව නීතිපතිවරයා කොළඹ කොටුව මහේස්ත්රාත් අධිකරණයට අද (28) දැනුම් දුන්නේය.
අදාළ නඩුකරය අද දින කොළඹ කොටුව මහේස්ත්රාත් ඉසුරු නෙත්තිකුමාර ඉදිරියේ කැඳවනු ලැබූ අතර එහිදී නීතිපතිවරයා වෙනුවෙන් අතිරේක සොලිසිටර් ජනරාල් දිලීප පීරිස් පෙනී සිටියේය.
ඒ අනුව හිටපු ජනාධිපති රනිල් වික්රමසිංහට එරෙහිව පවරා ඇති නඩුව අප්රේල් (29) වැනිදා යළි කැඳවීමට අධිකරණයෙන් නියෝග.
අද (28) කොළඹ කොටුව මහෙස්ත්රාත් අධිකරණයේදී හිටපු ජනාධිපති රනිල් වික්රමසිංහ මහතාට එරෙහිව පොදු දේපළ පනත යටතේ චෝදනා ඉදිරිපත් කර ගොනුකර ඇති නඩුව යළි කැඳවීමට නියමිතව තිබේ..
හිටපු ජනාධිපතිවරයාගේ කාලසීමාව තුළදී ඔහුගේ බිරිඳ වන මහාචාර්ය මෛත්රී වික්රමසිංහ මහත්මියගේ උපාධි ප්රධාන උත්සවයක් සඳහා සහභාගි වීමට ලන්ඩනයට යාමට රජයේ මුදල් අවභාවිතා කිරීමේ චෝදනා සම්බන්ධයෙන් මෙම පැමිණිල්ල ගොනුකර තිබුණි.
පසුගිය 2025 අගෝස්තු මස 22වනදා අපරාධ පරීක්ෂණ දෙපාර්තමේන්තුවට ප්රකාශයක් ලබාදීම සඳහා පැමිණි හිටපු ජනාධිපතිවරයා අත්අඩංගුවට ගෙන අධිකරණයට ඉදිරිපත් කිරීමෙන් අනතුරුව අගෝස්තු මස 26 වනදා දක්වා රක්ෂිත බන්ධනාගාර ගත කිරීමට නියෝග කෙරුණි.
පසුව ඉදිරිපත් වූ වෛද්ය වාර්තා සලකා බැලීමෙන් අනතුරුව, කොටුව මහෙස්ත්රාත් නිලුපුලී ලංකාපුර මෙනෙවිය විසින් රනිල් වික්රමසිංහ මහතා රුපියල් ලක්ෂ 50 බැගින් වූ ශරීර ඇප තුනක් මත මුදාහැරීමට නියෝග කළ අතර, නඩුව 2025 ඔක්තෝබර් 29 වනදා කැඳවීමට නියම කළාය.
එම දිනයේ නඩුව කැඳවූ අවස්ථාවේදී, විමර්ශන 2026 ජනවාරි 28 වනදා වනවිට අවසන් කරන ලෙස මහෙස්ත්රාත්වරයා නියෝග කර තිබුණි.
රටේ සෑම දරුවෙකුටම අනිවර්යයෙන් අවුරුදු 13ක අධ්යාපනය ලබාදීම ආණ්ඩුවේ වගකීමක් බව ජනාධිපති අනුර කුමාර දිසානායක සඳහන් කරයි.
ජනාධිපති අනුර කුමාර දිසානායක සඳහන් කළේ,
“ග්රාමීය දිළිඳු බව තුරන් කිරීමේදී අපි අධ්යාපනයට පුමුඛත්වයක් ලබාදී තිබෙනවා. අධ්යාපනයේ පරිවර්තනීය යුගයක් අපිට අවශ්යයි. ග්රාමීය ජනතාව චක්රීය දිළිඳුභාවයෙන් මුදාගත හැකි ප්රධාන මාර්ගය වන්නේ අධ්යාපනයයි.
ඒ නිසා අපි අධ්යාපනය කෙරෙහි වැඩි අවධානයක් යොමු කර තිබෙනවා. අද අ.පො.ස සාමාන්ය පෙළ විභාගයට මුහුණ දීමට පෙර සිසුන් 38,000ක් පාසල් හැර යනවා. බන්ධනාගාර ගත වූවන් 74%කට ආසන්න ප්රමාණයක් 10 පන්තියට අධ්යාපනය නොලැබු අය.
ඔවුන් අපරාධවලට, මත්ද්රව්යවලට සම්බන්ධ වී තිබෙනවා. ඒ නිසා සාමාන්ය පෙළ විභාගයට පෙර පාසල් හැර යාම නැවැත්විය යුතුයි. සාමන්ය පෙළ විභාගයෙන් පසු තවත් විශාල ප්රමාණයක් පාසල් හැර යනවා. කොටසක් අ.පො.ස උසස් පෙළ සඳහා ඉදිරිපත් වන අතර, එයින් සමත්ව පිරිසක් විශ්වවිද්යාලවලට ඇතුළත් වෙනවා. අපේ රටේ අධ්යාපන මාවත එයයි.
නමුත් අපි තෝරාගෙන තිබෙන අධ්යාපන මාවත එය නොවෙයි. සෑම දරුවෙකුටම අනිවර්යයෙන් අවුරුදු 13ක අධ්යාපනය ලබා දීම ආණ්ඩුවේ වගකීමක්. අද අපි වැඩසටහනක් ආරම්භ කර තිබෙනවා. දරුවා පාසලට ආවේ නැත්නම් දෙමාපියන්ට කෙටි පණිවිඩයක් ලැබෙනවා දරුවා පාසලට ආවේ නැහැ කියලා.
ඒ අනුව ප්රාදේශීය ලේකම් කාර්යාල මට්ටමින් නිලධාරීන් කණ්ඩායමක් පත් කරනවා. දරුවා දින දෙක තුනක් එක දිගට පාසලට ආවේ නැත්නම් ඒ දරුවාට මොකද වුණේ කියලා එම නිලධාරින් සොයා බැලිය යුතුයි. එකදු දරුවෙක්වත් වසර 13ක අධ්යාපනයකින් තොරව එළියට වැටෙන්න බැහැ. අය අපේ අපේක්ෂාවක්.
ඒ වගේම අධ්යාපන ප්රතිසංස්කරණවලදී අපි වැදගත් සාධක කිහිපයක් හදුනාගෙන තිබෙනවා. විෂය නිර්දේශයන්හි පවතින පැරණිභාවය, නූතන ලෝකයේ නව දැනුම සමඟ සම්බන්ධ වීම මේ සියල්ල සමග අධ්යාපනයේ නව පරිවර්තනයක් අපි සැලසුම් කර තිබෙනවා. එහිදී අපි 1-5, 6-9, 9-11, 11-13 යන කාණ්ඩ 04ක් යටතේ කටයුතු කරනවා. එම කාණ්ඩ 04 තුළ අඛණ්ඩතාවයක් තිබෙනවා.
මෙම අධ්යාපන ප්රතිසංස්කරණ තුළ 2032 වසරේ පළමු දරුවා එළියට එනු ඇතැයි අපි අපේක්ෂා කරනවා. ඒ අනුව 2032 වන විට රට පුරා ඉතා ඉහළ පිළිගැනීමක් සහිත වෘත්තීය පුහුණු මධ්යස්ථාන ඇති කරනවා. ඒ වෙනුවෙන් එම පනත සංශෝධනය කිරීමටත්, කථිකාචාර්යවරුන්ගේ වැටුප් වැඩි කිරීමට සහ අවශ්ය යන්ත්ර සූත්ර ලබා දීමට සැලසුම් කර තිබෙනවා. පළමු වතාවට වෘත්තීය පුහුණු අධ්යාපනයට කෝටි 800ක් අපි වෙන් කර තිබෙනවා.
මේ අතර ඕනෑම වේලාවක මොකක් හරි කරන්න බලාගෙන ඉන්න පිරිසක් සිටියා. ඔවුන් ඉතා අසත්ය මතයක් ගොඩනගන්න පටන් ගෙන තිබෙනවා. පාරක් ඉදි කරන විට එහෙම කළානම් අපි පාර හදනවා. එය හකුළ ගන්නේ නැහැ. හැබැයි දරුවන්ගේ අධ්යාපනය පිළිබද ගනු ලබන තීන්දුවක් නිසා, යම් පිරිසක් අතර සැකයක් තබා ගෙන මෙය ඉදිරියට ගෙනියන්න බැහැ.
ඒ නිසා 06 වසරට අදාළ ප්රතිසංස්කරණ ලබන වසරේදී සිදු කිරීමට තීරණය කර තිබෙනවා. මේ සඳහා දෙමාපියන්ගේ පූර්ණ විශ්වාසය අවශ්යයි. ඒ නිසා පොදු සමාජයේ පූර්ණ විශ්වාසයක් ඇතිව මෙය ක්රියාත්මක කිරීම අපේ අපේක්ෂාවයි. පළමු වසරේ නව අධ්යාපන ප්රතිසංස්කරණ මෙම (29) වනදා ආරම්භ කරනවා. 06 වසරට අදාළ ප්රතිසංස්කරණ ලබන වසරට කල් දමා තිබෙන අතර ඒ සඳහා අවශ්ය දැනුවත් කිරීම් සහ දෙමාපියන් හමුවීම් සහිත විශාල වැඩසටහනක් සකස් කර තිබෙනවා.
සහකම්පනයෙන් යුත් හොඳ පුරවැසියෙක්, ලෝකය ජයග්රහණය කළ හැකි පුරවැසියෙක් අපිට අවශ්යයි. ඒ වගේම තමන්ගේ පවුල ගොඩගත හැකි දරුවෙක් අපිට ඊට වඩා අවශ්යයි. තමන් ලබා ගන්නා අධ්යාපනයේ ප්රමාණය අනුව දුප්පත්භාවය තීරණය වී තිබෙනවා. ඒ නිසා මේ අධ්යාපන ප්රතිසංස්කරණවල එක් අරමුණක් වුණේ ග්රාමීය ජනතාව දුප්පත්භාවයෙන් මුදා ගැනීමයි.
අද සමාජයේ සියලු මිනිස් සබදතා සැලකිය යුතු ප්රමාණයකට බිද වැටී තිබෙනවා. යහපත් මිනිස් සබඳතා සහිත සමාජයක් අපිට අවශ්යයි. රාජ්ය නිලධාරියා සහ සේවය ලබා ගැනීමට පැමිණෙන ජනතාව අතර සබඳතාව, මහා සංඝරත්නය සහ දායක සභාව අතර සබඳතාව, පාසල් ගුරුවරුන් සහ දරුවන් අතර සබදතාව මේ සියලු සබඳතාවයන් ඉතාමත් විනාශකරි තත්ත්වයකට පත්ව තිබනෙවා. මෙම රට සමාජයීය වශයෙන් ගොඩනැගීමට නම් මේ සියලු යහපත් සබඳතා යළි ස්ථාපිත කළ යුතුයි. එහිදී මහා සංඝරත්නය ඇතුළු ආගමික නායකයන්ට පැවරී තිබෙන කාර්යභාරය ඉතා විශාලයි.
ඒ වගේම අපේ ස්වාමීන්වහන්සේ සඳහන් කළ පරිදිම සමාජය සංහිඳියාවට පත් කරන සහ සමාජයට යහපත් දේ ගෙන දෙන සඟ පරපුරක් අපිට අවශයයි. සමාජයේ ගැටුම් ඇති කරන කණ්ඩායමක් නොවෙයි, සමාජය යහපත් දිසාවට යොමු කරන ආගමික සංස්ථාවන්ගේ අවශ්යතාව අද මතුව තිබෙනවා. අපේ මහා සංඝරත්නය ඒ වෙනුවෙන් විශාල කාර්යයක් ඉටු කරමින් තිබෙනවා. උන්වහන්සේලා ඉටු කරන කාර්යභාරයට මාගේ ස්තූතිය සහ ප්රණාමය පුද කරනවා.”
දිට්වා සුළි කුණාටුවෙන් විනාශ වූ සියලු ආගමික සිද්ධස්ථාන එම පෞරාණිකත්වය ආරක්ෂා කර ගනිමින් යළි ගොඩනැඟීමට කටයුතු කරන බව ජනාධිපති අනුර කුමාර දිසානායක සඳහන් කරයි.
ජනාධිපතිවරයා මේ බව සඳහන් කළේ දිට්වා සුළි කුණාටුවෙන් හානියට පත් ආගමික සිද්ධස්ථාන යළි ගොඩනැංවීමේ ‘ගොඩනඟමු අධිෂ්ඨානයේ සංහිඳ’ ජාතික වැඩසටහනේ සමාරම්භක අවස්ථාවට අද (27) ගම්පොළ දොරගල පීකොක් හිල් ජනපදයේ ශ්රී බෝධිරුක්ඛාරාම විහාරස්ථානයේදී එක් වෙමිනි.
දිට්වා සුළි කුණාටුවෙන් මහනුවර, උඩපළාත ප්රාදේශීය සභා බල ප්රදේශයේ ආගමික සිද්ධස්ථාන 06ක් පූර්ණ හානියට ලක්ව තිබෙන අතර සිද්ධස්ථාන 15කට අර්ධ හානි සිදුව තිබේ.
ඒවා යළි ගොඩනැඟීම ආරම්භ කරමින් සුළි කුණාටුවෙන් පූර්ණ හානියට පත් දොරගල පීකොක් හිල් ජනපදයේ ශ්රී බෝධිරුක්ඛාරාම විහාරස්ථානය යළි ඉදිකිරීම් ආරම්භ කිරීමේ අවස්ථාවට ජනාධිපතිවරයා එක් විය.
දිට්වා සුළි කුණාටුවෙන් දිවයින පුරා ආගමික, සංස්කෘතික සහ පුරාවිද්යාත්මක ස්ථාන 1350කට පමණ හානි සිදුව ඇති බවත්, ගම, පන්සල සහ ආගමික සිද්ධස්ථාන අතර සහ සබඳතාව යළි තහවුරු කිරීම වෙනුවෙන් එම සිද්ධස්ථාන කඩිනමින් යළි ගොඩනැගීමට කටයුතු කරන බවත් ජනාධිපතිවරයා මෙහිදී අවධාරණය කළේය.
ජනාධිපති අනුර කුමාර දිසානායක සඳහන් කළේ,
“අපේ රට පහුගිය කාලයේ විශාල ව්යසනයකට මුහුණ දුන්නා. එම ව්යසනය මෑත ලංකා ඉතිහාසයෙ ඇති වූ විශාලතම ස්වභාවික ව්යසනයයි. සාමාන්යයෙන් දෙදහසකට ආසන්න නාය යාම් වාර්තා වී තිබුණා.
ඒ වගේම මිනිස් ජීවිත විශාල ප්රමාණයක් අපිට අහිමි වුණා. දේපොළ, නිවාස, ආර්ථික අවස්ථා විශාල ප්රමාණයක් අහිමි වුණා. ඒ නිසා යළි අපේ රටේ ජන ජීවිතය යථාවත් කිරීමේදී රජයක් ලෙස දේශපාලන අධිකාරිය, රාජ්ය නිලධාරීන් ලෙස අපි සියලු දෙනාට අභියෝගයක් තිබුණා.
මම හිතන්නේ සැලකිය යුතු ප්රමාණයකින් අද අපි එම අභියෝගය ජය ගෙන තිබෙනවා. අපි තවත් ඉදිරියට යා යුතුයි. නිවාස අහිමි වූවන්ට නිවාස ඉදිකර දිය යුතුයි. ඒ වගේම ආර්ථික අවස්ථා යළි නිර්මාණය කර දිය යුතුයි.
සියලු ක්ෂේත්ර ආවරණය කරමින් ජනතාවගේ ජන ජීවිතය යළි නගා සිටුවීම වෙනුවෙන් අවශ්ය වැඩපිළිවෙළ අපි සකස් කර තිබෙනවා. ගම, පන්සල සහ ආගමික සිද්ධස්ථාන සමග ජනතාවගේ ඉතා සමීප සබඳතාවක් තිබෙනවා.
ජන ජීවිතය සම්පූර්ණ කිරීමට නම් එම ආගමික සිද්ධස්ථාන ඉතා හොඳින් පිළිසකර කර ජනතාවගේ ජන ජීවිතය සමග සහ සම්බන්ධය සකස් කළ යුතුයි. මේ වන විට ආගමික සිද්ධස්ථාන 1350කට ආසන්න ප්රමාණයකට විවිධාකාරයෙන් හානි සිදුව තිබෙනවා.
ඒ නිසා සාමාන්ය ජනතාවගේ ජන ජීවිතය ගම – පන්සල අතර තිබෙන සබඳතාව තහවුරු කිරීමට නම් මේ ආගමික සිද්ධස්ථාන යළි ස්ථාපිත කළ යුතු බවට තිර අදිටනින් අපි මේ වැඩපිළිවෙළ ආරම්භ කළා.
ග්රාමීය විහාරස්ථාන ඉතා අසීරුවෙන් පවත්වාගෙන යන බව අපේ ස්වාමීන්වහන්සේ සඳහන් කළා. එම ග්රාමීය විහාරස්ථාන තෝරාගෙන ඒවා සංවර්ධනය කිරීමට වේගවත් වැඩසටහනක් ආරම්භ කිරීමට බුද්ධශාසන අමාත්යාංශය මගින් අපි සැලසුම් කර තිබෙනවා.”
මෑතකදී සමාජ මාධ්ය කැළඹීමට පත් කළ කොළඹ නාලන්දා විද්යාලයේ ගුරුවරියන් සමග වීඩියෝ දර්ශන පෙළක් සම්බන්ධයෙන් වාර්තා වන පුවතට අදාළ ප්රධාන සැකකරු අදාළ පාසලේ ප්රධාන ශිෂ්ය නායකයාව සිටි දැනට පාසලෙන් නෙරපා ඇති සිසුවෙකු බව අනාවරණය වී තිබේ.
පාසලේ ගුරුවරියන් තිදෙනෙකු සහ තවත් සිසුවෙකුගේ මවක් සමඟ අවස්ථා කිහිපයකදී වීඩියෝ ඇමතුම් හරහා අසභ්ය ක්රියාකාරකම්වල නිරත වී තිබෙන මෙම සිසුවා ඒවා රහසිගතව පටිගත කර ඇති බවට තොරතුරු හෙළි වී ඇත. එලෙස පටිගත කරන ලද දර්ශන පසුකාලීනව වෙනත් පාර්ශ්වයක් අතට පත්ව අන්තර්ජාලයට මුදා හැර ඇති බව පැවසෙයි.
පාසල පිහිටි ප්රදේශයේ බොරැල්ල හෝ මරදාන පොලිස් ස්ථාන වෙත මේ දක්වා නිල පැමිණිල්ලක් ලැබී නොමැත. කෙසේ වෙතත් පාසල් අභ්යන්තර ආරංචි මාර්ග සඳහන් කරන්නේ මෙය මීට කලකට පෙර සිදුවූවක් බවත්, සිද්ධිය ප්රසිද්ධ වීමත් සමඟ අදාළ ශිෂ්ය නායකයා ඇතුළු සමස්ත ශිෂ්ය නායක මණ්ඩලයම විසුරුවා හැරීමට පාසල් බලධාරීන් කටයුතු කර ඇති බවත්ය.
මෙම සිවුදෙනාම විවාහකයින් බවට සැක කෙරෙයි. ඔවුන්ද මෙම සිද්ධියෙන් අනතුරුව වින්දිත ගුරුවරියන් පාසලින් මාරුකර යවා ඇති බව වාර්තා වෙයි.
වීඩියෝ සම්බන්ධයෙන් එක් ගුරුවරියක තම සමාජ මාධ්ය ගිණුමක සඳහන් කර ඇත්තේ මෙය AI තාක්ෂණයෙන් නිර්මාණය කර ඇති මඩක් බවයි.
සිද්ධියට මුහුණ පෑ බව කියන ශිෂ්යයා විසින් මීට සති තුනකට පමණ පෙර ශ්රී ලංකා පරිගණක හදිසි ප්රතිචාර ඒකකය වෙත පැමිණිල්ලක් ඉදිරිපත් කර ඇති අතර, එහිදී ඔහු සඳහන් කර ඇත්තේ අදාළ වීඩියෝ දර්ශන මේ වන විට ප්රසිද්ධ වී ඇති බවත් ඒවා ඉවත්කර තම පුද්ගලිකත්වය ආරක්ෂා කර දෙන ලෙසත්ය. එහිදී එම ආයතනය විසින් ඔහුට උපදෙස් දී ඇත්තේ මුලින්ම අපරාධ පරීක්ෂණ දෙපාර්තමේන්තුව වෙත ගොස් ඒ පිළිබඳව පැමිණිලි කරන ලෙසයි.
ඒ අනුව අපරාධ පරීක්ෂණ දෙපාර්තමේන්තුවේ පරිගණක අපරාධ විමර්ශන කොට්ඨාසය වෙත ඔහු පැමිණිල්ලක් යොමු කර ඇති බව මේ වනවිට තහවුරුවී තිබේ.
රජයේ වෛද්ය නිලධාරීන්ගේ සංගමය පවසන්නේ අද (26) පෙරවරු 8.00 සිට අඛණ්ඩ වෘත්තීය සමිති ක්රියාමාර්ගයක නිරත වන බවයි.
වෘත්තීය සමිති ක්රියාමාර්ග 05ක් ඔස්සේ වර්ජනය ක්රියාත්මක කරන බව එම සංගමයේ මාධ්ය ප්රකාශක වෛද්ය චමිල් විජේසිංහ මහතා සඳහන් කළේය.
ඒ අනුව,
01. සායන හා බාහිර රෝගී ප්රතිකාර ඒකක තුළ නොමැති ඖෂධ පිටත ඔසුසැල්වලින් මිලදී ගැනීමට තුන්ඩු නිකුත් නොකිරීම
02. රෝහල් පද්ධතිය තුළ නැති රසායනාගාර පරීක්ෂණ, පිටත රසායනාගාරවලින් හා පිටත පෞද්ගලික රෝහල්වලින් සිදු කර ගැනීමට තුණ්ඩු නැත්නම් නිර්දේශ නිකුත් නොකිරීම.
03. දැනට අනුමත වෛද්යවරු සංඛ්යාව සැපයීමට නොහැකි නම් සහ අනුමත වෛද්යවරු සංඛ්යාවක් අනුමත කරගෙන නොමැති නම් රෝහල් පද්ධතිය තුළ නව ඒකක ආරම්භ කිරීමට අවස්ථාව ලබා නොදීම.
04. සමහර අවස්ථාවන්වල දේශපාලනික වුවමනාවට හා දේශපාලනික අවශ්යතාවයන් මත පවත්වන යම් යම් සායන සහ සෞඛ්ය කඳවුරුවලට සහයෝගය නොදැක්වීම.
05. යම් රෝහලක, සායනයක සහ බාහිර ප්රතිකාර ඒකකවල රෝගියා පරීක්ෂා කිරීමේදී වෛද්යවරයාට සහයට, සහයක නිලධාරියෙක් ලබා නොදෙන්නේ නම් වෛද්යවරු ඒ ස්ථානවල රාජකාරීවලින් ඉවත් වීම.
යන ක්රියාමාර්ග 05ක් යටතේ මෙම වෘත්තීය සමිති ක්රියාමාර්ගය සිදු කිරීමට නියමිතය.
එහිදී අදහස් දැක්වූ රජයේ වෛද්ය නිලධාරීන්ගේ සංගමයේ මාධ්ය ප්රකාශක වෛද්ය චමිල් විජේසිංහ මහතා
”අපි හෙට සිට ආරම්භ කරන මේ වෘත්තීය සමිති ක්රියාමාර්ග පහ වැඩ නොකර ඉන්න නෙමෙයි. හෙට සිට අපි වැඩ කරනවා හැබැයි වැඩ කරන්න පුළුවන් වටාපිටාව ඇතුළේ.. ඔබ අවශ්ය පහසුකම් ටික දුන් නැත්නම් මතක තියාගන්න ඔබ නිසයි මේ නිදහස් සෞඛ්ය සේවාව බිඳ වැටෙන්නේ..
එහෙනම් ඒකෙ වගකීම ගන්න සෞඛ්ය අමාත්යංශය, සෞඛ්ය අමාත්යවරයා සහ රජය හෙට සිට සූදානම් විය යුතුයි. ඒ වාගේම අපි මධ්යම කාරක සභාවක් කැඳවනවා ජනවාරි මාසේ 28වන බදාදා. මෙන්න මේ මධ්යම කාරක සභාවේදී, මෙතනින් එහා ගිය වෘත්තීය සමිති ක්රියාමාර්ගවලට එළඹෙන්න අපි අවශ්ය තීන්දු තීරණ ගන්නවා.. ඒ නිසා, මේ අඛණ්ඩ වෘත්තීය සමිති ක්රියාමාර්ගය දිනෙන් දින, දිනෙන් දින වැඩි වෙන එක වෙන්නේ.
මතක තියාගන්න මෙතනින් එහාට මේ වෘත්තීය සමිති ක්රියාමාර්ග නිසා යම් තැනක සෞඛ්ය පද්ධතිය බිඳ වැටෙනවා නම්, යම් තැනක රෝගී සත්කාර සේවාවන් බිඳ වැටෙනවා නම් ඒකේ සම්පූර්ණ වගකීම මේ සෞඛ්ය අමාත්යංශය, සෞඛ්ය අමාත්යවරයා සහ රජය ගන්න ඕන.”
විදෙස් මාධ්ය වාර්තා කර ඇත්තේ ලෝක වෙළෙඳපොළේ රන් අවුන්සයක මිල ඉතිහාසයේ පළමුවරට අමෙරිකානු ඩොලර් 5,000 සීමාව ඉක්මවා ගොස් ඇති බවයි.
එමෙන්ම රන් මිල මෙම වසර අග වන විට ඩොලර් 5,500ද ඉක්මවා යනු ඇති බවද විශේෂඥයින් මත පළ කරනු ලබයි.
එමෙන්ම රිදී අවුන්සයක මිල අමෙරිකානු ඩොලර් 100 ඉක්මවා ගොස් ඇති අතර පැලේඩියම් අවුන්සයක මිල අමෙරිකානු ඩොලර් 2,000 ඉක්මවා ගොස් ඇතැයිද වාර්තා වේ.
මෙලෙස රන් මිල අඛන්ඩව ඉහළ යාමට බලපා ඇත්තේ අමෙරිකානු ජනාධිපති ඩොනල්ඩ් ට්රම්ප්ගේ තීන්දු තීරණ බව විදෙස් මාධ්ය පවසයි.
වෙනිසියුලානු ජනාධිපති නිකොලස් මදුරෝ අමෙරිකාව විසින් යටත් කර ගැනීම, ග්රීන්ලන්තය සම්බන්ධව ට්රම්ප්ගේ ප්රකාශ, ආක්ටික් කලාපයේ අමෙරිකානු උපායමාර්ගික අවශ්යතා, මෙන්ම පසුගියදා කැනඩාවෙන් ආනයනය කරන භාණ්ඩ සඳහා 100%ක තීරුබදු පනවන බවට කළ අනතුරු ඇඟවීම යන කරුණු ද රන් මිල ඉහළ යාමට බලපා ඇතැයිද එම මාධ්ය වාර්තා කර තිබේ.