පාස්කු ත්රස්ත ප්රහාරයෙන් පසුව වෙනත් කිසිදු රටක රාජ්ය නායකයකු සිදු නොකරන ප්රකාශයක් එවක ජනාධිපති මෛත්රීපාල සිරිසේන විසින් සිදුකළ බව හිටපු ආරක්ෂක ලේකම් හේමසිරි ප්රනාන්දු සඳහන් කරයි.
පාස්කු ත්රස්ත ප්රහාරයට එවකට පොලිස්පති ධුරය දැරූ පූජිත් ජයසුන්දර සහ තමන් වගකිවයුතු යනුවෙන් හිටපු ජනාධිපති මෛත්රීපාල සිරිසේන පැවසූ බවද හේමසිරි ප්රනාන්දු සඳහන් කරයි.
පාස්කු ත්රස්ත ප්රහාරය වළක්වා නොගැනීම පිළිබඳව ආරක්ෂක අමාත්යංශයේ එවකට ලේකම් හේමසිරි ප්රනාන්දුට එරෙහි නඩුව ත්රිපුද්ගල මහාධිකරණය ඉදිරියේ (29) දින කැඳවන ලදී.
ප්රියන්ත ලියනගේ, විරාජ් වීරසූරිය සහ තිලකරත්න බණ්ඩාර යන මහාධිකරණ විනිසුරුවරුන්ගෙන් සමන්විත ත්රිපුද්ගල මහාධිකරණ විනිසුරු මඩුල්ල ඉදිරියේ මෙම නඩුව කැඳවනු ලබන්නේ හේමසිරි ප්රනාන්දුගේ විත්තිවාචකය ලබාගැනීම සඳහාය.
නඩුව කැඳවු අවස්තාවේදී විත්ති කූඩුවේ සිට ත්රිපුද්ගල මහාධිකරණ විනිසුරු මඩුල්ල හමුවේ සාක්ෂි ලබාදෙමින් හේමසිරි ප්රනාන්දු, හිටපු ජනාධිපති මෛත්රීපාල සිරිසේනට බරපතළ චෝදනා කිහිපයක් එල්ල කළේය.
එවකට පොලිස්පති පූජිත් ජයසුන්දරට ආරක්ෂක මණ්ඩල රැස්වීමට සහභාගි වීමට හිටපු ජනාධිපති මෛත්රීපාල ඉඩ නොදුන් බවත් ඔහු සමග කටයුතු කිරීමට නොහැකි නිසා අවස්ථා දෙකකදී තමන් ආරක්ෂක අමාත්යංශ ලේකම් ධුරයෙන් ඉවත්වීමට උත්සාහ කළද, එවක අගමැති රනිල් වික්රමසිංහ ඊට ඉඩනොදුන් බවද හේමසිරි ප්රනාන්දු සඳහන් කරයි.
මෙම ප්රහාරය සම්බන්ධයෙන් 2019 අප්රේල් (04) වනදා ලැබුණු බුද්ධි තොරතුර තමන්ට නිසි පරිදි සන්නිවේදනය නොකළ බවත් ඒ පිළිබඳ තවදුරටත් සොයාබලන බව එවකට රාජ්ය බුද්ධි සේවයේ ප්රධානී නිලන්ත ජයවර්ධන පැවසූ බවද හේමසිරි ප්රනාන්දු සඳහන් කරයි.
අනතුරුව අප්රේල් (09) වනදා පැවැති බුද්ධි සමාලෝචන රැස්වීමේදී නිලන්ත ජයවර්ධන මේ සම්බන්ධයෙන් පැහැදිලි කිරීමක් නොකළ බවත් ඊට පසුව තිබූ ඉන්දීය ආරක්ෂක ලේකම්වරයාගේ ශ්රී ලංකා සංචාරය සම්බන්ධයෙන් පැවැති සාකච්ඡාවලදීද නිලන්ත ජයවර්ධන මේ සම්බන්ධයෙන් කිසිවක් නොපැවසූ බවද හේමසිරි ප්රනාන්දු සඳහන් කරයි.
කාන්තන්කුඩි වල සිදුවු බයිසිකල් බෝම්බ සිද්ධිය ප්රහාරයට පෙර සිදුකළ පූර්ව අත්හදා බැලීමක් කියා තමන් දැනගත්තේ ඊට පසු අවස්තාවක බවත් තමන්ට ඒ සම්බන්ධයෙන් දැනුම් දුන්නේ නැති බවද හේමසිරි ප්රනාන්දු සඳහන් කරයි.
බොහෝ දෙනෙක් සඳහන් කළ ආකාරයට නිලන්ත ජයවර්ධන සහ මෛත්රිපාල සිරිසේන අතර පැවතියේ පිය – පුතු සම්බන්ධයකටත් වඩා, එහා ගිය සම්බන්ධයක් බවත් මෛත්රිපාල සිරිසේන වැඩ බලන ආරක්ෂක ඇමැතිවරයකු පත්නොකොට 2019 අප්රේල් (17) වනදා ලංකාවෙන් පිටවීම නිසා තමන් බරපතළ අසීරුතාවකට පත්වූ බවද හේමසිරි ප්රනාන්දු සඳහන් කරයි.
පාස්කු ප්රහාරයෙන් පසුව එවකට අගමැති රනිල් වික්රමසිංහ කැඳවූ සාකච්ඡාවට නොයන ලෙස හිටපු ජනපති මෛත්රීපාල සිරිසේන තමන්ට උපදෙස් දුන් බවත් එම උපදෙස එවකට ජනාධිපති ලේකම්වරයාට ලබාදී තිබූ බවද හේමසිරි ප්රනාන්දු සඳහන් කරයි.
