ජනාධිපති මන්දිරවල පිටස්තර පුද්ගලයන් නවාතැන් ගෙන ඇති බවට මාධ්යවල පළව ඇති පුවත සම්බන්ධයෙන් ජනාධිපති මාධ්ය අංශය නිවේදනයක් නිකුත් කර ඇත.
ඒ අනුව ජනාධිපති මන්දිරවල පිටස්තර පුද්ගලයන් නවාතැන් ගෙන නොමැති අතර එය සම්පූර්ණයෙන්ම අසත්ය පුවතක් බව ජනාධිපති මාධ්ය අංශය සඳහන් කරයි.
2025 වර්ෂයේදී රට පුරා ඇති ජනාධිපති මන්දිරවල විවිධ පුද්ගලයන් 3089ක් නවාතැන් අරන් මැයෙන් පලවී ඇති පුවත අසත්ය බවද ජනාධිපති මාධ්ය අංශය සඳහන් කරයි.
2025 වර්ෂයේදී ජනාධිපති මන්දිර පරිශ්රවල පවතින වෙනත් ගොඩනැගිලිවල ආරක්ෂක අංශයේත්, මාධ්ය සහ අනෙකුත් අංශවලත් නිලධාරීන් රාජකාරීමය අවශ්යතා වෙනුවෙන් විවිධ අවස්ථාවල නවාතැන් ගෙන ඇති බවද සඳහන් කරයි.
එහෙත් මේ නිලධාරීන් කිසිවෙකු ජනාධිපති මන්දිරවල නවාතැන් ගෙන නොමැති බවද ජනාධිපති මාධ්ය අංශය සඳහන් කරයි.
