පක්ෂ කාර්යාලය කේන්ද්ර කරගනිමින් තමන්ට පහර දී රෝහල් ගතව සිටින බව පවසමින් පැතිර යන ප්රචාරයන් සම්පූර්ණයෙන්ම අසත්ය බව ජනතා විමුක්ති පෙරමුණේ ප්රධාන ලේකම් ටිල්වින් සිල්වා සඳහන් කරයි.
මෙම අසත්ය පුවත් පතුරුවන පිරිස් දේශපාලනිකව අවතැන් වූ බංකොලොත් මානසික ලෙඩ්ඩු පිරිසක් බවත් කිසියම් පිරිසක් රාත්රියට දකින හීන, උදෑසන සටහන් ලෙස සමාජ මාධ්ය හරහා පළ කරන බවද ටිල්වින් සිල්වා සඳහන් කරයි.
මේ වන විටත් තමන් හොඳින් සිටින බවත් සාමාන්යයෙන් පුවතක් වාර්තා කිරීමේදී මාධ්ය සදාචාරයක් පැවතිය යුතු අතර මෙවැනි සිදුවීමක් පිළිබඳ තොරතුරු ලද විගස තමාගෙන් හෝ පක්ෂයෙන් ඒ පිළිබඳව විමසා කරුණු තහවුරු කරගත යුතු බවද ටිල්වින් සිල්වා සඳහන් කරයි.
අන්තර්ජාල නාලිකාවක පැවති වැඩසටහනකට එක්වෙමින් ප්රධාන ලේකම් ටිල්වින් සිල්වා මේ බව සඳහන් කරයි.
“මිලින්ද රාජපක්ෂලා කිසිවක් දන්නේ නැතිව ප්රවෘත්ති සාකච්ඡා තියනවා. මේක හරියට අහස කඩා වැටෙනවා කියලා හාවා දුවපු කතාව වගේ එකක්. මෙවැනි පච ප්රචාර පතුරුවා ඒවා බොරු බව ජනතාවට වැටහෙන විට අවසානයේ බංකොලොත් වන්නේ ඔවුන්මයි. එවැනි අයට කවදාවත් ආණ්ඩු කරන්න ලැබෙන්නේ නෑ, මොකද මිනිස්සු ඔවුන්ව ප්රතික්ෂේප කරනවා.”