පරිසරයට අධික ලෙස විෂ දුම් මුදාහරිමින් ධාවනය වන වාහන හඳුනා ගැනීමට නවීන තාක්ෂණයෙන් සන්නද්ධ විශේෂ ඒකකයක් ස්ථාපිත කිරීමට පියවර ගෙන ඇතැයි මෝටර් රථ ප්රවාහන දෙපාර්තමේන්තුව සඳහන් කරයි.
මාර්ගයේ ධාවනය වන වාහන රහසිගතව නිරීක්ෂණය කර, ඒවායේ දුමාරය පදනම් කරගනිමින් ක්ෂණිකව නීතිය ක්රියාත්මක කිරීම මෙහි විශේෂත්වය වන බව එහි වාහන වායු විමෝචන භාරකාර අරමුදල සඳහන් කරයි.
දිවයිනේ ප්රධාන නගර ආවරණය කරමින් මෙම ඒකකයේ නිලධාරීන් මාර්ගයේ රැඳී සිටිමින් අධික ලෙස දුම් පිටකරන වාහන ඡායාරූපගත කර එම ඡායාරූප සාක්ෂි පදනම් කරගනිමින් අදාළ වාහන හිමියන් වෙත එදිනම නියෝග නිකුත් කිරීමට පියවර ගෙන ඇත.
එලෙස නියෝග ලබන වාහන හිමියන් තම වාහනය නිසි පරිදි අලුත්වැඩියා කර, නියමිත දිනට වේරහැර පිහිටි වාහන වායු විමෝචන මධ්යස්ථානය වෙත ඉදිරිපත් කළ යුතු බව එහි වාහන වායු විමෝචන භාරකාර අරමුදල සඳහන් කරයි.
