යුද ගැටුම් අවසන් කිරීමේ අරමුණින් අමෙරිකාව සහ ඉරානය අතර පැවැත්වෙන සාම සාකච්ඡා පාකිස්තානයේ ඉස්ලාමාබාද් හිදී අද (11) දින ආරම්භ වීමට නියමිතය.
මෙම සාකච්ඡා සඳහා අමෙරිකානු උප ජනාධිපති ජේ.ඩී. වැන්ස් ඇතුළු පිරිසක් සහ ඉරාන විදේශ කටයුතු අමාත්ය අබ්බාස් අරාග්චි ඇතුළු පිරිසක් මේ වනවිට පාකිස්තානය වෙත පැමිණ ඇත.
මෙම සාකච්ඡා ආරම්භ වීමට හෝරා කිහිපයකට පෙර ඉරාන පාර්ලිමේන්තු කථානායක මොහොමඩ් බාගර් ගලිබාෆ් විසින් කොන්දේසි කිහිපයක් ඉදිරිපත් කර ඇත.
විදේශ බැංකුවල ඇති ඉරාන රියාල් බිලියන ගණනක වත්කම් වහාම නිදහස් කරන ලෙසත් ලෙබනනයේ හිස්බුල්ලා සංවිධානයට එරෙහි ප්රහාර නවත්වන ලෙසද ඔහු පවසා ඇති බව වාර්තා වේ.
