ආසන පටි පැළඳීම අනිවාර්ය කිරීමේ නීතිය හෙට (19) දිනයේ සිට දැඩිව ක්රියාත්මක කරන බව පොලීසිය සඳහන් කරයි.
අධිවේගී මාර්ගයේ ධාවනය කරන රථ වාහනවල ආසන පටි පැළඳීම සඳහා ලබාදී තිබූ වසරක පමණ සහන කාලය අද (18) දිනයෙන් අවසන් බව පොලීසිය සඳහන් කරයි.
ඒ අනුව හෙට සිට ආසන පටි නොපැළඳ අධිවේගී මාර්ගයේ ගමන් කරන රියදුරන් සහ මගීන් සම්බන්ධයෙන් නීතිමය ක්රියාමාර්ග ගන්නා බව රථවාහන පාලන හා මාර්ග ආරක්ෂක කොට්ඨාසයේ අධ්යක්ෂ, ජ්යෙෂ්ඨ පොලිස් අධිකාරී මනෝජ් රණගල සඳහන් කරයි.
ආසන පටි නොමැති රථ වාහන අධිවේගී මාර්ගයට ඇතුළු කිරීමට හෙට සිට අවසර ලබා නොදෙන බවත් සියලුම රථ වාහනවල ඉදිරිපස මෙන්ම පසුපස ආසනවල ගමන් කරන සියලුම මගීන් ද ආසන පටි පැළඳිය යුතු බවද ජ්යෙෂ්ඨ පොලිස් අධිකාරී මනෝජ් රණගල සඳහන් කරයි.
හෙට සිට මෙම නීතිය දැඩිව ක්රියාත්මක කරන බවත් මෙම නීතිය ක්රියාත්මක කරන්නේ දඩ හෝ නීතිමය ක්රියාමාර්ග ගැනීම පමණක් අරමුණු කරගෙන නොව, රියදුරන්ගේ සහ මගීන්ගේ ජීවිත ආරක්ෂා කිරීම සඳහා බවද ජ්යෙෂ්ඨ පොලිස් අධිකාරී මනෝජ් රණගල සඳහන් කරයි.
එනිසා හෙට දිනයේ සිට ආසන පටි නොමැති වාහනවලින් අධිවේගී මාර්ගයට ඇතුළු වීමට උත්සාහ නොකරන ලෙසද ජ්යෙෂ්ඨ පොලිස් අධිකාරී මනෝජ් රණගල සඳහන් කරයි.
