ඉරානයේ ස්ථාවරය තවදුරටත් “ප්රහාරයට ප්රහාරයක්” යන්න බැවින් අමෙරිකාව සිය ප්රහාර නතර කරන්නේ නම්, තමන් ද ප්රහාර නතර කරන බව ඉරානය ප්රකාශ කර ඇත.
අමෙරිකාව ප්රහාර නතර කළහොත් ඉරානය ද සිය මෙහෙයුම් නතර කරන බවට වන පණිවුඩය දැනටමත් අමෙරිකාව වෙත දැනුම් දී ඇති බව ඉරාන ජ්යෙෂ්ඨ නිලධාරියෙක් ප්රකාශ කර ඇත.
ඉරානයට එරෙහිව අමෙරිකාව අඛණ්ඩව රාත්රී 13ක් ගුවන් ප්රහාර එල්ල කිරීමෙන් අනතුරුව පසුගිය සිකුරාදා එම ගුවන් ප්රහාර මෙහෙයුම අමෙරිකාව විසින් තාවකාලිකව අත්හිටුවා ඇත.
අමෙරිකාවේ අවි සංචිත ක්ෂය වීම පිළිබඳ අවධානය යොමුකර ඇති බව වාර්තා වීමත් සමග, අමෙරිකාව සිය බෝම්බ ප්රහාර මෙහෙයුම තාවකාලිකව නතර කර ඇති බව වාර්තා වේ.
සෙනසුරාදා සහ ඉරිදා දිනවල අමෙරිකානු ප්රහාර කිසිවක් වාර්තා වී නොමැති අතර ඉරානය ද සෙනසුරදා සහ ඉරිදා දින දෙකක් පුරා ප්රහාර එල්ල කර නොමැත.
