Local news

හිටපු පාර්ලිමේන්තු මන්ත්‍රී උදිත ලොකුබණ්ඩාර සතුව තිබූ පිස්තෝලයක් නුගේගොඩ පොලිස් අපරාධ කොට්ඨාශය විසින් සිය භාරයට ගෙන ඇත.

ඒ අනුව, එහි නීත්‍යානුකූලභාවය පිළිබඳව විමර්ශනය කරමින් පවතින බව පොලීසිය සඳහන් කරයි.

පසුගියදා නුගේගොඩ පැවති ඒකාබද්ධ විපක්ෂයේ රැලිය අතරතුර ඔහු සතුව මෙම ගිනි අවිය තිබූ බවට වීඩියෝ දර්ශන සහ ඡායාරූප පල විය.

මේ දිනවල පවතින අයහපත් කාලගුණ තත්ත්වය හේතුවෙන් ස්ථාන රැසක නායයෑම් සහ පස් කඳු කඩා වැටීම් වාර්තා වේ.

අයහපත් කාලගුණ තත්ත්වය හේතුවෙන් බදුල්ල දිස්ත්‍රික්කයේ ස්ථාන 6ක සිදුවූ නායයෑම් වලින් පුද්ගලයින් සිව්දෙනෙකු ජීවිතක්ෂයට පත්ව ඇති බව වාර්තා වේ.

තවත් පුද්ගලයින් නව දෙනෙකු පමණ අතුරුදන්ව ඇති බවත් ඔවුන් සෙවීමේ කටයුතු සඳහා සහන සේවා කණ්ඩායම් කටයුතු කරමින් සිටින බව වාර්තා වේ.

විපක්ෂ නායක සජිත් ප්‍රේමදාස විසින් එක්සත් ජාතික පක්ෂය සහ සමගි ජන බලවේගය එකතු කිරීමේ වගකීම බාර ගැනීමට ගත් තීරණය සම්පූර්ණයෙන්ම පිළිගන්නා බව එක්සත් ජාතික පක්ෂය සඳහන් කරයි.

පක්ෂ දෙකේ එකතු වීම සම්බන්ධයෙන් ඉදිරි කටයුතු සාකච්ඡා කිරීමට එක්සත් ජාතික පක්ෂ නියෝජ්‍ය නායක රුවන් විජයවර්ධන, මහ ලේකම් නීතිඥ තලතා අතුකෝරළ සහ ජාතික සංවිධායක සාගල රත්නායකගෙන් සමන්විත ත්‍රිපුද්ගල කමිටුවක් පත් කිරීමට එක්සත් ජාතික පක්ෂය පියවර ගෙන ඇත.

ඒ අනුව එක්සත් ජාතික පක්ෂය සහ සමගි ජන බලවේගය සම්බන්ධයෙන් සියලුම සාකච්ඡා ඉහත ත්‍රිපුද්ගල කමිටුව විසින් මෙහෙයවන බවද එක්සත් ජාතික පක්ෂය තවදුරටත් සඳහන් කරයි.