මාර්ටින් වික්රමසිංහයන්ගේ ‘භවතරණය’ කෘතිය සම්බන්ධයෙන් පැවති විවාදය එකල පුවත්පත් ලිපි වලට පමණක් සීමා වූවත් තම කෘතිය සමකාලීන සමාජය තුළ දැවැන්ත සංවාදයකට මගපාදා ඇති බව පිවිතුරු හෙළ උරුමයේ නායක උදය ගම්මන්පිල සඳහන් කරයි.
ඒ අනුව ‘භවතරණය’ කෘතියෙන් පසුව මෙරට බිහිවූ ආන්දෝලනාත්මකම ග්රන්ථය තමන් රචනා කළ ‘පාස්කු ප්රහාරයේ මහ මොළකරු සොයා යෑම’ කෘතිය බවද උදය ගම්මන්පිල සඳහන් කරයි.
මෙරට ඉතිහාසයේ ප්රථම වතාවට සියලුම ප්රධාන රූපවාහිනී නාලිකා තම දේශපාලන සංවාද වැඩසටහන් සම්පූර්ණයෙන්ම එක් ග්රන්ථයක් වෙනුවෙන් වෙන් කළ බවත් සියලු මාධ්ය මගින් මෙය වාර්තා කළ බවද උදය ගම්මන්පිල සඳහන් කරයි.
තවද පසුගිය අප්රේල් මස (12) වනදා පාර්ලිමේන්තුවේ පැවති විවාදය පවා මෙම කෘතිය කේන්ද්ර කරගනිමින් පැවති බවත් විපක්ෂ මන්ත්රීවරයෙකු විසින් එය සභාගත කළ බවද උදය ගම්මන්පිල සඳහන් කරයි.
සමාජ මාධ්ය හා ප්රධාන මාධ්ය ඔස්සේ මාසයකට අධික කාලයක් මෙම කෘතිය පිළිබඳ සංවාද පැවති අතර පාස්කු දින සැමරුම් අතරතුර පවා විවිධ පාර්ශ්ව මෙම පොත පිළිබඳ අදහස් දැක්වීම තුළින් එහි ඇති සමාජීය වටිනාකම තහවුරු වන බවද උදය ගම්මන්පිල සඳහන් කරයි.