ඉන්දියාවේ රට පුරා දින ගණනාවක් පැවති දැවැන්ත විරෝධතා නැවැත්වීමට කැරපොත්තා ජනතා පක්ෂය තීරණය කර ඇති බව ඉන්දීය මාධ්ය වාර්තා කරයි.
ඉන්දියාවේ අධ්යාපන අමාත්යවරයා ඉල්ලා අස්වීමෙන් පැය කිහිපයකට පසු තරුණ නායකත්වයෙන් යුත් කැරපොත්තා ජනතා පක්ෂය (CJP) සිය විරෝධතාවය අත්හිටුවා ඇත.
විභාග ප්රශ්න පත්ර කාන්දු වීම සහ අක්රමිකතා පරීක්ෂා කිරීම සම්බන්ධයෙන් සති ගණනාවක් පුරා පැවති විරෝධතා වලින් පසු අමාත්ය ධර්මේන්ද්ර ප්රධාන් සිය ධුරයෙන් ඉල්ලා අස්වන බවට අග්රාමාත්ය නරේන්ද්ර මෝදි වෙත අද (25) පස්වරුවේ ලිපියක් යොමු කළේය.
නරේන්ද්ර මෝදිගේ රජයට එරෙහිව ඉන්දියාවේ පැවති විශාලතම විරෝධතාව මෙය වන අතර විරෝධතා රට පුරා පැතිරීමත් සමඟ දහස් ගණනක් දිල්ලියේ කඳවුරු බැඳගෙන සිටියේය.
විරෝධතාවේ නිරත වූ පිරිස ප්රකාශ කර ඇත්තේ, අධ්යාපන අමාත්යවරයා සිය ධුරයෙන් ඉල්ලා අස්වීම ඇතුළු සියලු ඉල්ලීම් වලට අගමැති මෝදි ප්රමුඛ රජයේ පාර්ශ්වයෙන් එකඟවීම නිසා මෙම විරෝධතා අවසන් කරන බවයි.
