LIVE
එක්සත් රාජධානියට අයත් ‘ඇම්බිෂන්’ නම් නෞකාවක් මේ වනවිට නිරිතදිග ප්රංශ මුහුදු සීමාවේ සිරවී සිටින බව විදෙස් මාධ්ය වාර්තා කරයි.
මෙම කෲස් නෞකාවේ මගීන් 49 දෙනෙකු ආමාශය ආශ්රිත රෝගයකට ගොදුරුවීම හේතුවෙන් එහි සිටින මගීන් සහ කාර්යය මණ්ඩලය මේ වනවිට නිරිතදිග ප්රංශ මුහුදු සීමාවේ සිරවී සිටියි.
එම නෞකාවේ මගීන් 1,233ක් හා කාර්ය මණ්ඩල සාමාජිකයින් 514ක් සිටින බව වාර්තා වන අතර එහි සිටින මගීන්ගෙන් බහුතරය බ්රිතාන්ය හා අයර්ලන්ත ජාතිකයන් බවත් එක් ප්රංශ ජාතිකයෙකු සිටින බවද වාර්තා වේ.
මේ වනවිට එම නෞකාවේ සිටින මගීන් තිදෙනෙකු හුදෙකලා කර ඇති අතර සෙසු මගීන්ට නෞකාවෙන් ඉවත්වීමට නොහැකි වන ලෙස ප්රංශ බලධාරීන් තහනමක් පනවා ඇත.
