ඉරාන හමුදා ප්රධානී අමීර් හතාමි විසින් අමෙරිකානු සෙබළුන් ඝාතනය කරන හෝ පණපිටින් අල්ලා භාරදෙන පුද්ගලයන් සඳහා අමෙරිකන් ඩොලර් 30,000ක මුදලක් ත්යාගයක් ලෙස ලබාදෙන බව ප්රකාශ කරයි.
අමෙරිකාවේ කෙණෙහිලිකම් වලට එරෙහිව සටන් කිරීමට ඉරාන තරුණයන් ලොකු උන්නදුවක් දක්වන බවත් එය සැලකිල්ලට ගනිමින් මෙම තීරණය ගත් බවද ඉරාන හමුදා ප්රධානී අමීර් හතාමි සඳහන් කරයි.
ඒ අනුව ඉරාන පිරිමි පුද්ගලයෙක් විසින් අමෙරිකා සෙබළුන් ඝාතනය කරන හෝ පණපිටින් අල්ලා භාරදීම කළොත් අමෙරිකන් ඩොලර් 30,000ක් ලබාදෙයි.
තවද ඉරාන කාන්තාවක් අමෙරිකා සෙබළුන් ඝාතනය කරන හෝ පණපිටින් අල්ලා භාරදීම කළොත් ඇයට අමෙරිකන් ඩොලර් 60,000ක් ලබාදෙන බව හමුදා ප්රධානී අමීර් හතාමි සඳහන් කරයි.
තවද අමෙරිකානු සෙබළෙකු ඝාතනය කිරීම සඳහා භාවිතා කරන ආයුධය, එහි වටිනාකම මෙන් දෙගුණයක මුදලකට රජය විසින් මිලදී ගෙන ඒ වෙනුවට නව ආයුධයක් ලබාදීමට කටයුතු කරන බවද සඳහන් කරයි.
