Local news

අද (03) දින ගාල්ල බන්ධනාගාරය තුළ වෙඩි තැබීමක් සිදුව ඇති බව පොලිස් මාධ්‍ය කොට්ඨාසය සඳහන් කරයි.

බන්ධනාගාරගත කර සිටින සිරකරුවන් දෙදෙනෙකු පලායෑමට උත්සහා කිරීමේදී නිලධාරින් විසින් මෙම වෙඩිතැබීම සිදුකර ඇත. 

වෙඩි තැබීමෙන් තුවාල ලැබූ එක් අයෙකු කරාපිටිය රෝහලට ඇතුළත් කර ඇති බව පොලිස් මාධ්‍ය කොට්ඨාසය සඳහන් කරයි.

වාහන මිල ගණන් ඉදිරියේදී ඉහළ යනු ඇති බව ශ්‍රී ලංකා වාහන ආනයනකරුවන්ගේ සංගමයේ සභාපති ප්‍රසාද් මානගේ සඳහන් කරයි.

මැයි මාසයේ සිට සමාජ ආරක්ෂණ බද්ධ 2.5 දක්වා ඉහළ දැමීම, වාහන මිල වැඩි වීමට හේතුවක් වනු ඇති බවද ප්‍රසාද් මානගේ සඳහන් කරයි.

සභාපති ප්‍රසාද් මානගේ සඳහන් කළේ,

“රජය වාහනය ආනයනය කරන එකෙන් ලොකු ආදායමක් බලාපොරොත්තු වෙනවා. මගේ ගණනය කිරීම හරි නම්, බිලියන 700ක් විතර මේ වතාවේ බලාපොරොත්තු වෙනවා. රජයට වැඩිපුර ආදායමක් ලබා දෙන්නේ අපි.

විශේෂයෙන්ම භාවිත කරන ලද කාර් වලින්. ආණ්ඩුව බලාපොරොත්තු වෙනවා ඩොලරයකට ඩොලර් 1.5ක ආදායමක්. අපි ගෙන්වන වාහනවලදී ඩොලර් දෙකක්, 2.5ක් දක්වා බදු ගෙවනවා.

සමහර විද්‍යුත් වාහන ආනයනයේදී තියෙන බදු ප්‍රශ්න නිසා ඩොලර් එකකට ඊටත් වඩා අඩු ආදායමක් තමයි ලැබෙන්නේ. මේවා විශ්ලේෂණය කරලා බලන්න කියලා අපි රජයට කියලා තියෙනවා.

රජය බලාපොරොත්තු වෙන ආදායමට වඩා වැඩි ප්‍රමාණයක් භාවිත කළ කාර් වලින් ලැබෙන නිසා රජය දිනුම් වගේ පේනවා.  

මැයි මාසයේ සිට සමාජ ආරක්ෂණ දායකත්ව බද්ධ 2.5ක් වෙලා තියෙනවා. ඒ එකක්ම විදේශ විනිමය අනුපාතවල අගයන් වැඩි වෙලා තියෙනවා. වාහනවල මිල යම් ඉහළ යාමක් ඉදිරියේදී දකින්න පුළුවන්.”

ඊයේ (02) දිනයේදී ඉන්ධන මිල වෙනස් වුවද එම වෙනස්වූ මුදල බස් ගාස්තු සංශෝධනය සඳහා ආදේශ කළ නොහැකි බව ලංකා පෞද්ගලික බස් හිමියන්ගේ සභාපති ගැමුණු විජේරත්න සඳහන් කරයි.

එම සංශෝධනය වූ මුදල ආදේශ කළ නොහැකි නමුත් බස් රථ ධාවනයේදී පාඩු ලැබීමට බස් රථ හිමියන්ට මේ වන විට සිදුව ඇති බවද සභාපති ගැමුණු විජේරත්න සඳහන් කරයි.

ඒ අනුව මෙම ගාස්තුව ඉහළ යාමත් සමගම ඇතිවන පාඩුව බස් හිමියන්ට දරාගැනීමට සිදුවන බවද සභාපති ගැමුණු විජේරත්න සඳහන් කරයි.

අද (03) පැවැති මාධ්‍ය හමුවේදී අදහස් දක්වමින් සභාපති ගැමුණු විජේරත්න මේ බව සඳහන් කරයි.

නීති විරෝධී මූල්‍ය ජාවාරම් සහ නීතිවිරෝධී ක්‍රියාකාරකම් සිදු කිරීම මත, රාජගිරිය, මැද වැලිකඩ පාරේ පිහිටි ස්ථානයකදී විදෙස් ජාතිකයින් 120කට ආසන්න ප්‍රමාණයක් අත්අඩංගුවට ගෙන ඇත.

අත්අඩංගුවට ගත් මෙම පිරිස අතර චීන, වියට්නාම, මැලේසියා, මැඩගස්කර්, පිලිපීන, තායිලන්ත, කාම්බෝජය වැනි රටවල් නියෝජනය කරන පිරිස් සිටින බව පොලීසිය සඳහන් කරයි.

මැද වැලිකඩ පාරේ පිහිටි මහල් නිවාසයක මහල් කිහිපයක් කුලී පදනම මත ලබා ගනිමින් නැවතී සිට මෙම කූඨ ව්‍යාපාරය සිදුරගෙන ගොස් ඇති බවට මේ වනවිට අනාවරණය වී ඇත.

මෙම විදෙස් ජාතිකයින් සතුව තිබූ පරිගණක සහ ජංගම දුරකතන රැසක්ද මෙහිදී පොලිස් භාරයට ගෙන ඇත.

එම පිරිස අත්අඩංගුවට ගන්නා අවස්ථාවේදී මොවන්ගෙන් තවත් පිරිසක් පලා ගොස් ඇති අතර ඔවුන් අත්අඩංගුවට ගැනීම සඳහා පොලීසිය වැඩිදුර විමර්ශන සිදුකරයි.

හිටපු අමාත්‍ය පියංකර ජයරත්නට ලබන (12) වැනිදා අල්ලස් කොමිසම හමුවට පැමිණෙන්නැයි නොතීසි නිකුත් කර ඇත.

එයාර් බස් ගනුදෙනුව සම්බන්ධයෙන් සිදුවන විමර්ශනයකට අදාළව ප්‍රකාශයක් ලබාගැනීම සඳහා පියංකර ජයරත්න කැඳවා ඇත.

ඉන්ධන මිල සංශෝධනයත් සමග ඩීසල් මිල ඉහළ යාම හමුවේ පාසල් ප්‍රවාහන ගාස්තු ඉහළ දැමීමට සිදුවන බව සමස්ත ලංකා පාසල් ප්‍රවාහන වෘත්තිකයන්ගේ සංගමය සඳහන් කරයි.

මෙම ගාස්තු සංශෝධනය ප්‍රතිශතයක් ලෙස වැඩි නොකොට දෙමාපියන් සමඟ සාකච්ඡා කර යම් ප්‍රමාණයකට ඉහළ දැමීමට අපේක්ෂා කරන බව එම සංගමයේ ලේකම් මල්ශ්‍රී ද සිල්වා සඳහන් කරයි.

මීට පෙර අවස්ථා කිහිපයකදීම ඩීසල් මිල ඉහළ දැමීම සිදු වුවද දෙමාපියන් ගැන සිතා ප්‍රවාහන ගාස්තු ඉහළ දැමීමක් සිදු නොකළ බවද එම සංගමයේ ලේකම් මල්ශ්‍රී ද සිල්වා සඳහන් කරයි.

කෙසේ වෙතත් අපසුතාවයන් සැලකිල්ලට ගනිමින් මෙවර යම් ප්‍රමාණයකට ප්‍රවාහන ගාස්තු ඉහළ දැමීමට සිදුවනු ඇති බවද එම සංගමයේ ලේකම් මල්ශ්‍රී ද සිල්වා සඳහන් කරයි.

මුදල් ක්‍රමසම්පාදන සහ ආර්ථික සංවර්ධන අමාත්‍යාංශය විසින් ජූලි මස පළමුවෙනිදා සිට ක්‍රියාත්මක කිරීමට නියමිත එකතු කළ අගය මත බදු සංශෝධන ඇතුළත් ගැසට් පත්‍රය නිකුත් කර ඇත.

ඒ අනුව ඉලෙක්ට්‍රොනික වේදිකා මත සපයන සේවා සඳහා වැට් අයකිරීම් ජූලි මස පළමුවෙනිදා සිට සිදු කෙරෙනු ඇත. 

ප්‍රධාන ප්‍රඥප්තියේ 10 වන වගන්තියේ ඇතුළත් බදු සඳහා තැනැත්තන් ලියාපදිංචි කිරීම සඳහා යන සීමා අඩු කිරීමට පියවර ගෙන තිබෙන අතර එය ජූලි මස පළමුවෙනිදා සිට ක්‍රියාත්මක වේ. 

බදු අය කළ හැකි කාලසීමාවක් අවසානයේදී එම තැනැත්තාගේ බදු අය කළ හැකි කාලසීමව තුළදී ශ්‍රී ලංකාව තුළ භාණ්ඩ හෝ සේවා හෝ භාණ්ඩ සම සේවාවල බදු අය කළ හැකි සැපයුම්වල සමස්ත වටිනාකම රුපියල් මිලියන නවයක් ඉක්මවා තිබිය යුතුය. 

එමෙන්ම මූල්‍ය සේව මත වන වැට් බදු 18% සිට 20.5% දක්වා වැඩිකිරීමට යෝජනා කර ඇත.

අගවිනිසුරු ප්‍රීති පද්මන් සූරසේන විසින් මාධ්‍යවේදී ප්‍රගීත් එක්නැලිගොඩ අතුරුදන් වීම සම්බන්ධයෙන් විභාගයට ස්ථීර ත්‍රිපුද්ගල මහාධිකරණයක් පිහිටුවා ඇත.

මහාධිකරණ විනිසුරුවරුන් වන නයනා සෙනවිරත්න, නලීන් හේවාවසම් සහ ලක්මාලි හේවාවසම් එහි සාමාජිකයින් ලෙස පත් කර ඇත.

පසුගිය 2010 වසරේ ජනවාරී (24) වැනිදා රාත්‍රියේ මාධ්‍යවේදී ප්‍රගීත් එක්නැලිගොඩ පැහැර ගැනීමට ලක්වු අතර මේ වනවිට වසර 16ක් ගතවී ඇතත් එම සිද්ධිය සම්බන්ධව නිශ්චිත තොරතුරක් මෙතෙක් වාර්තා වී නැත.