ඉරානයේ ස්ථාන රැසකට අමෙරිකාව සහ ඊශ්රායලය එල්ල කළ ප්රහාරවලින් නව උත්තරීතර නායක මොජ්ටාබා කමේනි තුවාල ලබා ඇති බව විදෙස් මාධ්ය කිහිපයක් වාර්තා කරයි.
එම ප්රහාරවලින් උත්තරීතර නායක මොජ්ටාබා කමේනිගේ පාදයකට සහ අතකට දැඩි හානි සිදුව ඇති බවත් පවතින තත්ත්වය හමුවේ ඉරානය තුළ ප්රතිකාර කිරීම අපහසු වී ඇති බවද සඳහන් කරයි.
එනිසා ඉරාන උත්තරීතර නායකයාව ඉතාමත් රහසිගතව රුසියාවට රැගෙන ගොස් ඇති බවත් ඒ සඳහා රුසියානු හමුදා ගුවන් යානයක් ඉරානයට පැමිණ ඇති බවද සඳහන් කරයි.
රුසියානු ජනාධිපති ව්ලැදිමීර් පුටින් දැනුවත් කර ඉරාන උත්තරීතර නායකයාව රුසියාවට රැගෙන ගොස් ඇති බවත් අනතුරුව කමේනි සාර්ථකව ශල්යකර්මයකට මුහුණදී ඇති බවද එම මාධ්ය සඳහන් කරයි.
කෙසේ වෙතත් ඉරාන රජය විසින් මේ සම්බන්ධයෙන් කිසිදු ප්රකාශයක් නිකුත් කර නොමැත.
මේ අතර උත්තරීතර නායක මොජ්ටාබා කමේනි සහ ඉස්ලාමීය විප්ලවවාදී ආරක්ෂක බළකායේ ඉහළ පෙළේ නායකයින් ගැන තොරතුරු සපයන්නෙකුට අමෙරිකානු ඩොලර් මිලියන 10 දක්වා වූ මුල්ය ත්යාගයක් ලබාදීමට අමෙරිකානු රාජ්ය දෙපාර්තමේන්තුව තීරණය කර ඇත.
