මේ වනවිට ඉන්ධන ලබාගැනීමේදී භාවිතා කරන “QR” කේතයට අදාළ බොහෝ ගැටලු නිරාකරණය වෙමින් පවතින බවත් පෙර සිට “QR” කේතයක් තිබූ වාහනයක් හා එම අංකය නොවෙනස්ව පවතින අවස්ථාවල කිසිදු ගැටළුවක් නොමැතිව එම “QR” කේතය භාවිතා කළ හැකි බව කැබිනට් ප්රකාශක අමාත්ය වෛද්ය නලින්ද ජයතිස්ස සඳහන් කරයි.
වාහනය ඒකම වුවද අංකය අලුත් කර ඇති අවස්ථාවල නව “QR” කේතයක් ලබාගැනීම සඳහා යම් කාලයක් ලබාදීමට සිදුවූ බවත් නව වාහන මිලදී ගත් අය සම්බන්ධයෙන් පැවති ගැටලු මේ වනවිට සම්පූර්ණයෙන්ම නිරාකරණය කර ඇති බවද අමාත්ය වෛද්ය නලින්ද ජයතිස්ස සඳහන් කරයි.
තවත් ප්රධාන ගැටලුව වන්නේ වාහනයේ අයිතිකරු වෙනස්වීම සම්බන්ධයෙන් බැවින් එවැනි අවස්ථාවලදී පෙර අයිතිකරුගේ “QR” කේතය ඉවත් නොකිරීම හේතුවෙන් ගැටලු ඇතිව ඇති අතර එම ගැටලුවද මේ වනවිට නිරාකරණය කරමින් පවතින බව අමාත්ය වෛද්ය නලින්ද ජයතිස්ස සඳහන් කරයි.
පැයකට වාහන 30,000ක් පමණ පද්ධතියට ලියාපදිංචි වෙමින් පවතින අතර එය සැලකිය යුතු ප්රගතියක් බවත් ඒ අනුව “QR” කේත පද්ධතියට අදාළ ගැටලු බොහෝමයක් මේ වනවිට සාර්ථකව විසඳමින් පවතින බවද අමාත්ය වෛද්ය නලින්ද ජයතිස්ස සඳහන් කරයි.
මේ අතර ඉන්ධන සැපයුමේ අර්බුදය හමුවේ ඉන්ධන පරිභෝජනය සීමාකිරීම සඳහා හදුන්වාදුන් “QR” කේතයට සම්බන්ධ ගැටලු විසදා ඇති බවත් ලියාපදිංචි වාහනවලින් 10,000ක පමණක් ගැටලුවක් පවතින බවද ලංකා ඛනිජ තෙල් නීතිගත සංස්ථාවේ කළමණාකාර අධ්යක්ෂ මයුර නෙත්තිකුමාර සඳහන් කරයි.
