අවදානමක් නොගෙන වෙනසක් සිදුකළ නොහැකි බවත් රටේ ජනතාව වෙනුවෙන් තමන් එම අවදානම ගන්නා බව ජනාධිපති අනුර කුමාර දිසානායක සඳහන් කරයි.
එම අවදානම හමුවේ තනතුරු අහිමි වෙනවා නම්, එය ඉතාම හොදින් භාරගෙන පිටත්වෙලා යන්න තමා සූදානම් බවත් තමන් මේවා වල හැමදාම ඉන්න බලාගෙන ආපු මිනිහෙක් නොවන බවද ජනාධිපති අනුර කුමාර දිසානායක සඳහන් කරයි.
ජනාධිපති අනුර කුමාර දිසානායක සඳහන් කළේ,
“ඔබතුමාලා යම් ස්ථාවරයක සිට මෙතනට පැමිණෙන්නේ. මම සැලකියයුතු ප්රමාණයකින් පැමිණෙන්න උත්සාහ කරේ විවෘත මනසකින්. කෙසේ වුවත් අපේ රටේ, සාකච්ඡාවෙන් පස්සේ ඕන දෙයක් කියන්න. විවෘතයි.”
“දෙවනුව ඔබතුමාලා කියන්න පුළුවන් මේක නීතීඥවරුන්ගේ සමස්තය කියලා. තව කෙනෙකුට කියන්න පුළුවන් සමස්තය නොවේ. තව කෙනෙකුට කියන්න පුළුවන් බහුතරය. තව කෙනෙකුට කියන්න පුළුවන් සුලුතරය. ඒක විවෘතයි.”
“තුන්වනුව මගේ ප්රවේශය තියෙන්නේ ආණ්ඩුක්රම ව්යවස්ථාව තුල. මම කිසිසේත්ම මගේ විධායක බලය හෝ අප සතුව තිබෙන බලයත් ආණ්ඩුක්රම ව්යවස්ථාවේ ඔබ්බට පාවිච්චි කරන්න උපයෝගි කරගන්නේ නෑ.
උපුල් මහත්මයා කියපු අවධානම. ඒ කියන්නේ මේ ව්යවස්ථා සංශෝධනය නිසා අනිත් ජනාධිපතිවරයාට යන්න ඕන, ඔබටත් යන්න වෙයි. “මම යන්න ලෑස්ති මිනිහෙක්. මම මේව වල වාඩිවෙන්න බලාගෙන ආපු මිනිහෙක් නෙමෙයි”.
ඒ වගේම මම, මෙම වෙනස කිරීම සඳහා අවදානම ගන්න ලෑස්ති මිනිහෙක්. වෙනසක් මම හිතන්නේ නෑ සිද්ධ වෙයි කියලා අවදානමකින් තොරව. වෙනසක් හැම විටම සිද්ධ වෙන්නේ අවදානමක් දරාගෙන. මම උදාහරණයක් කියන්නම්.
පාස්කු පරීක්ෂණය දියත් කරලා තියෙන්නේ බුද්ධි අංශ. මගේ ආරක්ෂාවට වග කියන්නෙත් ඔවුන්. දැන් පරීක්ෂණ යනවා. ඒ තුළ ජීවිත අවදානම් පවතින බව මම දන්නවා. නමුත් අවදානම දරාගන්නේ නැතුව වෙනසක් කරන්න පුළුවන් කියලා මම විශ්වාස කරන්නේ නෑ.
එනිසා මම අවදානම ගන්න සූදානම්. මේ රටේ ජනතාව වෙනුවෙන්. ඒ අවදානම හමුවේ මගේ තනතුරු අහිමි වෙනවා නම්, එය ඉතාම හොදින් භාරගෙන මම පිටත්වෙලා යන්න ලෑස්තියි. ඒකට මම සූදානම්.”
ඊයේ (12) දින පැවති නීතිඥ සංගම් හමුවේදී ජනාධිපති අනුර කුමාර දිසානායක මේ බව සඳහන් කරයි.
