මගී ප්‍රවාහන නෞකාවක් හදිසියේම ගිනිගනී.. විශාල පිරිසක් අතුරුදන්

පිලිපීනයේ මගී ප්‍රවාහන නෞකාවක හටගත් හදිසි ගින්නකින් පුද්ගලයින් පස් දෙනෙකු මියගොස් තවත් 87 දෙනෙකු අතුරුදන් වී ඇති බව විදෙස් මාධ්‍ය වාර්තා කරයි.

එරට ජනප්‍රිය ස්ථානයක් වන කොරොන් වෙත මගීන් සහ කාර්ය මණ්ඩලය 134 දෙනෙකු රැගෙන යමින් සිටියදී MV June Aster නම් මෙම නෞකාව ගිනි ගැනීමට ලක්ව ඇත.

ගින්න හේතුවෙන් මියගිය පුද්ගලයින් පස් දෙනෙකුගේ සිරුරු මේ වනවිට ගොඩබිමට ගෙනැවිත් ඇති බව පිලිපීන වෙරළ ආරක්ෂක බළකාය සඳහන් කරයි.

මෙම නෞකාව සම්පූර්ණයෙන්ම ගිනිගෙන විනාශ වී ඇති අතර එය තවමත් ගිනි ගන්නා බව වෙරළ ආරක්ෂක බළකාය සඳහන් කරයි.

මගීන් 38 දෙනෙකු සහ කාර්ය මණ්ඩල සාමාජිකයින් 4 දෙනෙකු ඇතුළුව පුද්ගලයින් 42 දෙනෙකු මේ වන විටත් බේරාගෙන ඇති අතර තවමත් 87 දෙනෙකු පිළිබඳ කිසිදු තොරතුරක් අනාවරණය නොවූ බව සඳහන් කරයි.