ඉරාන ජනාධිපති ඊබ්‍රහීම් රයිසි සහ විදේශ අමාත්‍යවරයා ඇතුළු අනෙකුත් නිලධාරීන් රැගත් හෙලිකොප්ටරය ඊයේ දින අතුරුදන් වීම සම්බන්ධයෙන් ඇමෙරිකාව නිහඩ ප්‍රතිපත්තියක් අනුගමනය කරයි.
ඉරානය සහ අමෙරිකාව අතර එදිරිවාදිකම් පවතින අතර ඉරානයේ න්‍යෂ්ටික වැඩසටහනට විරෝධය පළ කරමින් අමෙරිකාව මේ වනවිට ඉරානයට සම්බාධක පනවා ඇත.
කෙසේ වෙතත් ඉරාන ජනපතිවරයාගේ හදිසි අනතුර සම්බන්ධයෙන් මාධ්‍යවේදීන් පිරිසක් අමෙරිකානු ජනාධිපති ජෝ බයිඩන්ගෙන් අදහස් විමසූ අවස්ථාවේදී බයිඩන් නිහඩව සිටි බව වාර්තා වේ.
හෙලිකොප්ටරයක් කඩා වැටීම හේතුවෙන් ඉරාන ජනාධිපති ඊබ්‍රාහිම් රයිසි හා විදේශ අමාත්‍යවරයා ඇතුළු පිරිස තවදුරටත් ජීවතුන් අතර නොමැති බව එරට මාධ්‍ය වාර්තා කරයි.
කෙසේ වෙතත් රුසියාව හා ඉරානය අතර සමීප මිතුදම් පවතින අතර විශේෂඥයන් 47 දෙනකුගෙන් සමන්විත කණ්ඩායමක් මේ වනවිටත් ඉරානයට යවා ඇති බව රුසියානු ජනාධිපති පුටින් සදහන් කරයි.
