බ්රිතාන්යයේ විශාලතම සුඛෝපභෝගී මෝටර් රථ නිෂ්පාදකයා වන ජගුවර් ලෑන්ඩ් රෝවර් (Jaguar Land Rover) සමාගම ඉදිරි වසර දෙක තුළ සේවකයින් 4,000කට ආසන්න සංඛ්යාවක් රැකියාවලින් ඉවත් කිරීමට තීරණය කර ඇත.
මෙම සේවක කප්පාදුව එම සමාගමේ සමස්ත ගෝලීය සේවක බලකායෙන් 10%කට ආසන්න ප්රමාණයක් වන අතර පවුම් බිලියන 1.7ක (ඇමෙරිකානු ඩොලර් බිලියන 2.3ක) පිරිවැයක් ඉතිරි කර ගැනීම මෙම ප්රතිව්යුහගතකරණ ක්රියාවලිය හරහා අපේක්ෂා කරයි.
චීන වෙළඳපොළෙන් එල්ල වන දැඩි තරඟකාරීත්වය, විද්යුත් වාහන (EV) සංක්රමණය සඳහා වන අධික පිරිවැය සහ අමෙරිකානු බදු ප්රතිපත්ති මෙම තීරණයට ප්රධාන වශයෙන් හේතු වී ඇත.
මෙම රැකියා කප්පාදුව ප්රධාන වශයෙන් බලපාන්නේ කළමනාකරණ, අලෙවිකරණ සහ පර්යේෂණ අංශවල සේවය කරන කාර්යාලීය නිලධාරීන්ට (Salaried Staff) පමණි.
කෙසේ වෙතත්, කර්මාන්තශාලාවල සෘජුවම මෝටර් රථ එකලස් කිරීමේ නිරත වන පැයට වැටුප් ලබන සේවකයින්ට මෙයින් කිසිදු බලපෑමක් සිදු නොවන බව එම සමාගම සඳහන් කරයි.