හිටපු කම්කරු හා විදේශ රැකියා අමාත්ය මනූෂ නානායක්කාරගේ වත්කම් බැරකම් සම්බන්ධයෙන් විමර්ශනයක් ආරම්භ කර ඇත.
ඒ සම්බන්ධයෙන් නීති විරෝධි වත්කම් විමර්ශන කොට්ඨාසය කොළඹ ප්රධාන මහේස්ත්රාත් අසංග එස්. බෝදරගම හමුවේ ඊයේ (11) දින දැනුම් දුන්නේය.
ඒ අනුව හිටපු අමාත්යවරයාගේ බැංකු ගිණුම් පරීක්ෂා කිරීමටත්, ඒ සම්බන්ධයෙන් අවශ්ය නියෝග ලබාදෙන ලෙසත් කළ ඉල්ලීමට අධිකරණයෙන් අවසර හිමිව ඇත.
එම සිද්ධිය සම්බන්ධයෙන් වැඩිදුර විමර්ශන පවත්වා අධිකරණයට වාර්තා කරන ලෙස මහේස්ත්රාත්වරයා නියෝග කර ඇත.
අල්ලස, දූෂණය හා නාස්තියට එරෙහි පුරවැසි බලය සංවිධානයේ කාමන්ත තුෂාර විසින් සිදුකළ පැමිණිල්ලකට අනුව මෙම විමර්ශන ආරම්භ කර ඇත.
