Foreign news (Sinhala) Archives - Page 2 of 48 - උණුසුම් පුවත්

27 Apr

ඉන්දියාවෙන් WhatsApp ඉවත් කරයි.?

රටේ ආරක්ෂාව සදහා රජයට අවශ්‍ය වනවිට පුද්ගලික තොරතුරු ලබාදීය යුතු බවට ඉන්දීය රජය WhatsApp අයත් Meta සමාගමට නියෝග කර ඇති බව වාර්තා වේ.

එලෙස පුද්ගලයින්ගේ පෞද්ගලික තොරතුරු ලබාදිය නොහැකි බවත් එම තීරණය වෙනස් නොවන්නේ නම් ඉන්දියාවෙන් Whatsapp ඉවත් කර ගන්නා බවද දිල්ලි මහාධිකරණය හමුවේ Meta සමාගම සදහන් කර ඇත.

ඉන්දීය රජයට පුද්ගලික තොරතුරු ලබාදීය යුතු බවට නියෝග කළද Meta සමාගම ඉන්දීය රජයේ නියෝගවලට අනුකූල වීම ප්‍රතික්ෂේප කර ඇති බවද විදෙස් මාධ්‍ය වාර්තා කරයි.

27 Apr

විස්සයි විස්ස ක්‍රිකට් ඉතිහාසය අලුතින් ලියයි.!

2024 ඉන්දීය ප්‍රිමියර් ලීග් (IPL) තරගාවලියේ පන්ජාබ් කිංග්ස් කණ්ඩායම සහ කොල්කටා නයිට් රයිඩර්ස් කණ්ඩායම අතර පැවැති තරගය ජයග්‍රහණය කිරීමට පන්ජාබ් කිංග්ස් කණ්ඩායම සමත් විය.

තරගයේ පළමුවෙන් පන්දුවට පහරදුන් කොල්කටා නයිට් රයිඩර්ස් කණ්ඩායම නියමිත පන්දුවාර 20 අවසානයේ කඩුලු 6ක් දැවී ලකුණු 261ක් රැස්කරගැනීමට සමත් විය.

අනතුරුව පිළිතුරු ඉනිම ක්‍රීඩා කිරීමට පිටියට පිවිසි පන්ජාබ් කිංග්ස් කණ්ඩායම පන්දුවාර 18යි පන්දු 4ක් තුළ ලකුණු 261ක ඉලක්කය පසු කරමින් සුපිරි ජයක් වාර්තා කිරීමට සමත් විය.

පන්ජාබ් කණ්ඩායම වෙනුවෙන් සාර්ථක ආරම්භයක් ලබාදීමට ආරම්භක පිතිකරු ජොනී බෙයාස්ටෝ සහ ප්‍රබ්සිම්රාන් සිංට හැකි වු අතර ජොනී බෙයාස්ටෝ ලකුණු 108ක් ලබාගැනීමට සමත් විය.

මෙම තරගයේදී කණ්ඩායම් දෙකේම ආරම්භක පිතිකරුවන් ලකුණු 50 සීමාව පසු කළ අතර එය ඉන්දීය ප්‍රිමියර් ලීග් ඉතිහාසයේ ආරම්භක පිතිකරුවන් සිව් දෙනාම ලකුණු 50 සීමාව පසු කළ පළමු වතාව වේ.

26 Apr

ඉන්දියාවෙන් පාකිස්තානයට සුපිරි හදවතක්.!

වයස 69ක් වූ මියගිය ඉන්දියානු ජාතික පුද්ගලයෙකුගේ හෘදයක් පාකිස්ථාන ජාතික තරුණියකට බද්ධ කළ පුවතක් විදෙස් මාධ්‍ය වාර්තා කර ඇත.

ඉන්දියාවේ චෙන්නායි නුවර MGM Healthcare රෝහලේ දී මෙම හදවත් බද්ධ සැත්කම සිදුකර ඇති අතර ඉන්දීය රුපියල් ලක්ෂ 35 කට වැඩි මුදලක් වැයවන මෙම සැත්කම වෛද්‍යවරුන් සහ මූල්‍ය පදනමක් එක්ව නොමිලේ සිදුකර ඇති බව සඳහන්.

හෘද පොම්ප කපාටයක කාන්දුවක් සහිතව ජීවත් වූ 19 හැවිරිදි අයේෂා රෂාන් නැමැති මෙම පාකිස්තනු තරුණිය ජීවත් කිරීමට නම් සම්පූර්ණ හදවතක් බද්ධ කිරීමට අවශ්‍ය බව වෛද්‍යවරුන් නිර්දේශ කර තිබූ පසුබිමක මෙලෙස මොළය මියගිය ඉන්දීය ජාතිකයෙකුගේ හදවතක් ඇයට බද්ධ කර ඇත.

සැත්කම සාර්ථක බවත් එම තරුණිය මේ වනවිට ක්‍රමයෙන් සුවය ලබමින් සිටිනා බව බවයි ඉන්දීය මාධ්‍ය විසින් වාර්තා කර ඇත.

26 Apr

විභාග ප්‍රතිඵල නිකුත්වීමත් සමඟ අඛණ්ඩව වාර්තා වන සියදිවි නසා ගැනීම්.!

පසුගිය 24 වනදා ඉන්දියාවේ තෙලන්ගානා ප්‍රාන්තයේ විභාග මණ්ඩලය පළමු වසර සහ දෙවන වසර ප්‍රතිඵල ප්‍රකාශයට පත් කිරීමෙන් අනතුරුව තම ප්‍රතිඵල හේතුවෙන් සිත් තැවුලට පත් වී සිසුන් 07ක් ගෙවී ගිය පැය 48ක කාලය තුල සියදිවි නසාගෙන ඇති බව ඉන්දීය මාධ්‍ය වාර්තා කර තිබේ.

මෙසේ දිවි හානිකරගෙන ඇත්තේ තෙලන්ගානා ප්‍රාන්තයේ ගැහැණු ළමයින් දෙදෙනෙකු හා පළමු වසරේ සිසුවෙකු, නල්ලකුන්ටා ප්‍රදේශයේ තවත් පිරිමි ළමයෙකු සහ පළමු වසරේ සිසුන් තිදෙනෙකු බව ඉන්දීය පොලීසිය පවසයි.

26 Apr

තම 12 හැවිරිදි දියණිය සහ ඇගේ මිතුරිය ලිංගික අපයෝජනයට ලක් කළ පියා අත්අඩංගුවට.!

අසල්වාසීන් පිරිසක් විසින් සිදුකළ දැනුම්දීමක් මත පොලීසිය විසින් වැල්ලවාය ප්‍රදේශයේ පදිංචි අවුරුදු 50ක පුද්ගලයෙකු අත්අඩංගුවට ගෙන තිබේ.

තම 12 හැවිරිදි සිය දියණියට හා දියණියගේ 11 හැවිරිදි මිතුරියකට ලිංගික අපයෝජන සිදු කළ බවට සැක පිට එම පුද්ගලයා අත්අඩංගුවට ගත් බව වැල්ලවාය පොලීසිය සඳහන් කරයි.

සැකකරු හෙට දින වැල්ලවාය මහෙස්ත්‍රාත් අධිකරණයට ඉදිරිපත් කිරීමට නියමිත අතර වැල්ලවාය පොලීසිය විසින් වැඩිදුර විමර්ශන මෙහෙයවයි.!

26 Apr

මත්තල හිමිකාරීත්වය ඉන්දියාවට සහ රුසියාවට.!

මත්තල මහින්ද රාජපක්ෂ ගුවන් තොටුපළ සඳහා අභිලාෂ ඉදිරිපත් කර තිබූ ආයතන පහක් අතරින් ඉන්දියා හා රුසියානු සමාගම් දෙකකට මත්තල ගුවන්තොටුපොල කළමණාකාරීත්වය භාරදීමට කැබිනට් අනුමැතිය ලැබී ඇත.

මීට අදාල කැබිනට් පත්‍රිකාව විෂය භාර අමාත්‍ය නිමල් සිරිපාලද සිල්වා විසින් කැබිනට් මණ්ඩලය වෙත ඉදිරිපත් කර ඇති බව සඳහන්.

ඒ අනුව ඉදිරි වසර තිහක කාලයක් සඳහා මත්තල ගුවන්තොටුපළේ කළමනාකාරීත්වය අදාළ සමාගම් දෙක වෙත පැවරෙනු ඇත.

26 Apr

අධික උෂ්ණත්වය හේතුවෙන් මරණ 30ක්.!

2024 වසරේ මේ දක්වා කාලය තුල තාලයින්තයේ පුද්ගලයින් 30 දෙනෙකු පමණ මිය ගොස් ඇති බව විදෙස් මාධ්‍ය සඳහන් කරයි, ඒ එරට පවතින අධික උණුසුම් කාලගුණ තත්ත්වය හේතුවෙනි.

එමෙන්ම, පසුගිය වසරේ දී අධික උණුසුම හේතුවෙන් පුද්ගලයන් 37 දෙනෙකු මිය ගොස් ඇති බව එරට සෞඛ්‍ය අංශ සඳහන් කර ඇත.

එළඹෙන සතියේදී තායිලන්ත නැගෙනහිර සහ දකුණු ප්‍රාන්ත නවයක දැඩි උණුසුම් තත්ත්වයක් අපේක්ෂා කරන බව එරට කාලගුණ කාර්යාංශය ප්‍රකාශ කර ඇති බවද සඳහන්.

එවන් පසුබිමක තායිලන්තයේ බැංකොක් නුවර උෂ්ණත්වය සෙල්සියස් අංශක 52ක දක්වා අගයකට වර්ධනය විය හැකි බවට එරට බලධාරින් අනතුරු අඟවා ඇත.

25 Apr

යුක්‍රේනයට ඇමරිකාවෙන් දිගු දුර මිසයිල.!

ඇමෙරිකාව විසින් යුධ ආධාර යටතේ යුක්‍රේනය වෙත ලබා දුන් දිගු දුර බැලස්ටික් මිසයිල ප්‍රථම වතාවට යුක්රේනය විසින් රුසියානු ඉලක්ක වෙත පහරදීමට යොදාගෙන ඇතැයි ඇමෙරිකානු බලධාරීහු ප්‍රකාශ කළ බව විදේශ මාධ්‍ය වාර්තා කර ඇත.

යුක්රේනයේ මෙහෙයුම් ආරක්ෂාව වෙනුවෙන් එම යුධ ආධාර පැකේජයට දිගු දුර මිසයිල ඇතුලත් බව අනාවරණය නොකළ බවත් මේ වනවිට එලෙස ලබාදුන් දිගුදුර බැලස්ටික් මිසයිල යුක්රේනය භාවිත කර ඇති බවත් ඇමෙරිකානු බලධාරීහු ප්‍රකාශ කර ඇති බව වාර්තා වේ.

මෙම ඇමරිකානු මිසයිල යොදාගනිමින් කිලෝ මීටර 300 ක දුරක් ඔබ්බෙන් ඇති ඉලක්ක වලට පහරදිය හැකි බවත් මෙම මිසයිල යුක්රේනයට ලබා දීම සඳහා ඇමෙරිකානු ජනාධිපතිවරයා පසුගිය පෙබරවාරි මාසයේදී අනුමැතිය ලබා දුන් බවත් ඉදිරියේදී නව ආධාර පැකේජය යටතේද තවත් නවීන අවි යුක්රේනයට ලැබෙනු ඇතැයිද ඇමෙරිකානු බලධාරීහු පැවැසු බව වාර්තා වේ.

25 Apr

ප්‍රසිද්ධ රැප් ගායකයාට මරණ දඬුවම්.!

ප්‍රසිද්ධ රැප් ගායකයෙක් වන ටූමාජ් සලෙහිට ඉරාන අධිකරණය විසින් මරණ දණ්ඩනය නියම කර ඇති බව විදෙස් මාධ්‍ය වාර්තා කරයි.

එරට රාජ්‍ය විරෝධී උද්ඝෝෂණ සඳහා සහාය දුන් බවට ඔහුට චෝදනා එල්ල වූ අතර ලබාදී ඇති දඬුවම ලිහිල්කර ගැනීමට අවස්ථාවක් ඇති බව එරට රාජ්‍ය මාධ්‍ය සදහන් කරයි.

2022 කාලයේදී ඉරානයේ පැවති කලහකාරී සිදුවීම් සම්බන්ධයෙන් චෝදනා එල්ලකර තිබූ අතර 2022 ඔක්තෝබර් මාසයේදී ඔහුව අත්අඩංගුවට ගත්තේය.

25 Apr

ශ්‍රී ලංකාවට පැමිණි අහමඩ් වහීඩි අත්අඩංගුවට ගන්න.!

පාකිස්තානයේ සිට මෙරටට පැමිණි ඉරාන ජනාධිපති ඊබ්‍රහිම් රයිසිගේ දූත පිරිසට අයත් ඉරානයේ අභ්‍යන්තර කටයුතු පිළිබඳ අමාත්‍ය අහමඩ් වහීඩි අත්අඩංගුවට ගන්නා ලෙස ආර්ජන්ටිනාව ශ්‍රී ලංකාවෙන් ඉල්ලීමක් කර ඇති බව වාර්තා වේ.

1994 වර්ෂයේදී ආර්ජන්ටිනාවේ බුවනෝස් අයර්ස් හි යුදෙව් ප්‍රජා මධ්‍යස්ථානයේ 85 දෙනෙකුට ජීවිත අහිමි කරමින් සිදු වූ බෝම්බ ප්‍රහාරයට ඔහු සම්බන්ධ බැවින් ඔහුට එරෙහිව ඉන්ටපෝල් විසින් අත්අඩංගුවට ගැනීමේ වරෙන්තුවක් නිකුත් කර ඇති බව එම වාර්තාවේ දැක්වෙයි.