චීනයට කඩා වැදුණු ප්රබලම නිවර්තන කුණාටුව වන “ඩොල්ෆින්” සුළි කුණාටුව නැගෙනහිර වෙරළ තීරයට ළඟා වී ඇත.
දැඩි වර්ෂාපතනයක් සහ ප්රබල සුළං සමඟින් පැමිණි මෙම කුණාටුව හේතුවෙන් ගංවතුර සහ නායයෑම් ඇතිවීමේ දැඩි අවදානම් අනතුරු ඇඟවීම් නිකුත් කර ඇත.
මෙම කුණාටුව චීනයට පැමිණීමට පෙර ජපානයේ දකුණු ඔකිනාවා ප්රාන්තය හරහා ගමන් කර ඇති අතර එහිදී ගොඩනැගිලි 50,000කට වැඩි සංඛ්යාවක විදුලි සැපයුම බිඳ වැටී ඇති බව විදෙස් මාධ්ය වාර්තා කරයි.
මෙම ‘ඩොල්ෆින්’ සුළි කුණාටුව නැගෙනහිර ෂෙජියැං ප්රාන්තයේ යූහුවාන් ප්රදේශය අසලින් ගොඩබිමට ඇතුළු වී ඇති බවත් ගොඩබිමට ළඟ වන අවස්ථාවේදී එහි කේන්ද්රය අසල උපරිම සුළගේ වේගය පැයට කිලෝමීටර් 151ක් ලෙස සටහන් වී ඇති බව චීන කාලගුණ විද්යා අංශ සඳහන් කරයි.
