භාරත ලක්ෂ්මන් ප්රේමචන්ද්රගේ ඝාතන නඩුවේ විමර්ශන ශානි අබේසේකර විසින් ඉතාමත් සාර්ථකව සිදුකළ බවත් ඔහු නොසිටින්නට සිය පියාට සාධාරණයක් ඉටු නොවන බව හිටපු පාර්ලිමේන්තු මන්ත්රීනී හිරුණිකා ප්රේමචන්ද්ර සඳහන් කළාය.
ශානි අබේසේකර ඉතාම දක්ෂ නිලධාරියෙකු වුවද දේශපාලන පසුබිමක් සහිතව පාස්කු ත්රස්ත ප්රහාරය සම්බන්ධයෙන් විමර්ශන වලට පත්කිරීම කිසිසේත්ම සුදුසු නොවන බවද හිරුණිකා ප්රේමචන්ද්ර සඳහන් කළාය.
තම පියාගේ ඝාතන නඩුවේදී ශානි අබේසේකර දැක්වූ දායකත්වය අගය කරන බවත් ඔහු එම විමර්ශනය ඉතාමත් විශිෂ්ට ලෙස සිදුකළ බවත් එකල ඔහු සියලු සාක්ෂි නිවැරදිව ගොනු නොකළා නම් වැරදිකරුවන්ට මරණ දඬුවම පවා හිමි නොවන බවත් හිරුණිකා ප්රේමචන්ද්ර සඳහන් කළාය.
නමුත් ශානි අබේසේකරගේ වත්මන් පත්වීම සම්පූර්ණයෙන්ම දේශපාලන පත්වීමක් බවත් ඔහු දේශපාලන ක්රියාකාරිකයෙකු බව පිළිගෙන ඇති පසුබිමක, ඔහුට මෙවැනි ස්වාධීන සහ සංවේදී විමර්ශන තනතුරක් ලබාදීම සුදුසු නොවන බවද හිරුණිකා ප්රේමචන්ද්ර සඳහන් කළාය.
රටේ ජනාධිපතිවරයා ඇතුළු වත්මන් ආණ්ඩුවේ කණ්ඩායම විසින්ම මෙම පත්වීම ලබාදී ඇති බවත් මීට පෙර ශානි අබේසේකර දේශපාලන වේදිකාවල ප්රසිද්ධියේ අදහස් දක්වා ඇති බවද හිරුණිකා ප්රේමචන්ද්ර සඳහන් කළාය.
මෙම දේශපාලන පත්වීම නිසාම වත්මන් විමර්ශන කටයුතුවල විනිවිදභාවය පිළිබඳව ජනතාව තුළ සාධාරණ සැකයක් සහ කුකුසක් මතු වන බවත් ශානි අබේසේකරව මෙම පාස්කු විමර්ශනයට පත්කිරීම තුළින් සාධාරණ පරීක්ෂණයක් සිදුවේදැයි ජනතාව සැක කිරීම සාධාරණ බවද හිරුණිකා ප්රේමචන්ද්ර සඳහන් කළාය.
අන්තර්ජාල නාලිකාවක පැවැති දේශපාලන සාකච්ඡාවකදී නිවේදිකාව නැඟූ ප්රශ්න වලට පිළිතුරු දෙමින් හිරුණිකා ප්රේමචන්ද්ර මේ බව සඳහන් කළාය.
