Local news

ජනාධිපති වි⁣⁣ශේෂ ව්‍යාපෘති අංශයේ අධ්‍යක්ෂ ලෙස සහ හිටපු ජනාධිපති ගෝඨාභය රාජපක්ෂ⁣ගේ පෞද්ගලික ලේකම් සුගීෂ්වර බණ්ඩාරට පොදු දේපොළ පනත යටතේ ඇප ලබාදීමට තරම් අසාමාන්‍ය කරුණු ඉදිරිපත් වී නැතැයි කොළඹ කොටුව මහේස්ත්‍රාත් අධිකරණය අද (08) තීරණය කර ඇත.

ඒ අනුව ජනාධිපති වැය ශීර්ෂය යටතේ වැටුප් දෙකක් ලබාගත් ගෝඨාභය රාජපක්ෂ⁣ගේ පෞද්ගලික ලේකම් සුගීෂ්වර බණ්ඩාරගේ ඇප ඉල්ලීම කොළඹ කොටුව මහෙස්ත්‍රාත් පසන් අමරසේන විසින් ප්‍රතික්ෂේප කළේය.

අනතුරුව සුගීෂ්වර බණ්ඩාර ලබන (22) තෙක් රක්ෂිත බන්ධනාගාරගත කිරීමට නියෝග කළේය.

හිටපු ජනාධිපති රනිල් වික්‍රමසිංහට එරෙහිව පොදු දේපළ පනත යටතේ චෝදනා ඉදිරිපත් කර ගොනුකර ඇති නඩුව අද (08) දින කොළඹ කොටුව මහෙස්ත්‍රාත් අධිකරණයේදී යළි කැඳවීමට නියමිතය.

හිටපු ජනාධිපති රනිල් වික්‍රමසිංහ සිය ධුරය දැරූ කාලසීමාව තුළ ඔහුගේ බිරිඳ වන මහාචාර්ය මෛත්‍රී වික්‍රමසිංහගේ උපාධි ප්‍රධාන උත්සවයට සහභාගී වීම සඳහා ලන්ඩනයට යාමට රුපියල් ලක්ෂ 166කට අධික රජයේ මුදල් අවභාවිත කිරීමේ චෝදනාව සම්බන්ධව මෙම පැමිණිල්ල ගොනුකර ඇත.

ශ්‍රීලන්කන් ගුවන් සමාගමේ හිටපු ප්‍රධාන විධායක කපිල චන්ද්‍රසේනගේ මරණයට අදාළ සිද්ධිය සම්බන්ධ විමර්ශන කටයුත්ත අද (08) කොළඹ කොටුව මහේස්ත්‍රාත් පසන් අමරසේන ඉදිරියේ කැඳවනු ලැබීය. 

එහිදී කපිල චන්ද්‍රසේන මරණයට පත්ව සිටි ස්ථානයේ තිබී සොයා ගන්නා ලද නාඳුනන ඖෂධ වර්ග පිළිබඳ රජයේ රස පරීක්ෂක වාර්තා ඉදිරිපත් කිරීමට පියවර ගන්නා ලෙස දන්වා කොටුව මහේස්ත්‍රාත්වරයා රජයේ රස පරීක්ෂකවරයා වෙත සිහිකැඳවීමක් යොමු කළේය.

තවද පශ්චාත් මරණ පරීක්ෂණ වාර්තාව ඉදිරිපත් කරන ලෙස දන්වා කොළඹ අධිකරණ වෛද්‍ය නිලධාරි කාර්යාලය වෙත සිහිකැඳවීමේ ලිපියක් නිකුත් කරන ලෙසද මහේස්ත්‍රාත්වරයා නියම කරනු ලැබීය. 

මීගමුව බන්ධනාගාරයේ නොසන්සුන්කාරී තත්ත්වය හමුවේ අඟුණුකොළපැලැස්ස බන්ධනාගාරය වෙත මාරුකර යැවූ රැඳවියෙකු ජීවිතක්ෂයට පත්ව ඇත.

මේ අතර බූස්ස බන්ධනාගාරය වෙත මාරු කර යැවූ රැඳවියෙකු හදිසි අසනීප තත්ත්වයක් හේතුවෙන් ගාල්ල කරාපිටිය රෝහල‌ වෙත ඇතුළත් කිරීමෙන් අනතුරුව ජීවිතක්ෂයට පත්ව ඇත.

බන්ධනාගාර ගැටුමින් ජීවිතක්ෂයට පත්වූ බන්ධනාගාර නිලධාරීන්ගේ දේහයන් මේ වනවිට වැලිකඩ බන්ධනාගාරය වෙත රැගෙන ආවේය.

එම නිලධාරීන් වෙත අවසන් ගෞරව දැක්වීමෙන් අනතුරුව දේහයන් පවුලේ ඥාතීන් වෙත භාරදීමට නියමිතය.

බන්ධනාගාර රැඳවියන්ගේ අමානුෂික පහරදීම් හේතුවෙන් බන්ධනාගාර විශේෂ උපක්‍රමික ඒකකයේ නිලධාරීන් 7 දෙනෙකු ජීවිතක්ෂයට පත්විය.

පාර්ලිමේන්තු මන්ත්‍රී නාමල් රාජපක්ෂ විසින් විපක්ෂ නායක සජිත් ප්‍රේමදාස වෙත ලිපියක් යොමුකර ඇත.

මන්ත්‍රී නාමල් රාජපක්ෂ මෙම ලිපිය යවමින් ඉහළ අධිකරණ විනිසුරුවන්ගේ ධුර කාලය දීර්ඝ කිරීමට උත්සාහ දරමින් නීතියේ ආධිපත්‍ය බිඳ දැමීමට එරෙහිව සමස්ත ප්‍රජාතන්ත්‍රවාදය අගයන පක්ෂවල නැගී සිටීමේ අවශ්‍යතාවය පෙන්වා දී ඇත.

වත්මන් ආණ්ඩුව මේ වනවිට කිසිදු පිළිගත හැකි සාධාරණ හේතුවකින් තොරව ශ්‍රේෂ්ඨාධිකරණ විනිසුරුවන්ගේ විශ්‍රාම වයස දීර්ඝ කිරීමට උත්සාහ දරණ බවට තමන්ගේ විශ්වාසය බවද මන්ත්‍රීවරයා එම ලිපියේ සඳහන් කර ඇත.

එනිසා සියලු ප්‍රජාතන්ත්‍රවාදය අගයන පක්ෂ මෙම පත්ව ඇති බැරෑරුම් තත්ත්වය සම්බන්ධයෙන් සාකච්ඡා කිරීම සඳහා කැඳවීමක් කරන ලෙස මන්ත්‍රීවරයා විපක්ෂ නායකවරයාගෙන් ඉල්ලා සිටියි.

පසුගියදා මීගමුව බන්ධනාගාරය තුළ හටගත් නොසන්සුන්කාරී තත්ත්වය හේතුවෙන් බූස්ස බන්ධනාගාරය වෙත මාරුකර යැවූ රැඳවියෙකු ජීවිතක්ෂයට පත්ව ඇත.

එම රැඳවියා හදිසි අසනීප තත්ත්වයක් හේතුවෙන් ගාල්ල කරාපිටිය රෝහලට ඇතුළත් කිරීමෙන් පසු මෙලෙස මියගොස් ඇති බව බන්ධනාගාර මාධ්‍ය ප්‍රකාශක ඒ.සී. ගජනායක සඳහන් කරයි.

බන්ධනාගාර ආඥාපනතේ 2 වන වගන්තිය යටතේ අමාත්‍යවරයා වෙත පැවරී ඇති බලතල අනුව අධිකරණ අමාත්‍ය හර්ෂණ නානායක්කාරගේ අත්සනින් යුතුව ගැසට් නිවේදනයක් නිකුත් කර ඇත.

ඒ අනුව අමාත්‍ය හර්ෂණ නානායක්කාර විසින් නිකුත් කළ අතිවිශේෂ ගැසට් නිවේදනයක් මඟින් ගාල්ල, මහමෝදර ප්‍රදේශයේ නව බන්ධනාගාරයක් පිහිටුවීමට නියම කර ඇත.

“මහමෝදර” නමින් මෙම බන්ධනාගාරය පිහිටුවනු ලබයි.