By unusuma.lk on [last-modified] (LK time)
අද (15) දිනයේ සිට ඉන්ධන ලබා ගැනීම සඳහා බලශක්ති අමාත්යංශය විසින් හඳුන්වාදී ඇති “QR” කේතය සම්බන්ධව පැන නැගී ඇති ගැටලු කඩිනමින් නිරාවරණය කිරීමට මේ වන විටත් කටයුතු කරමින් පවතින බව රජයේ ප්රවෘත්ති අධ්යක්ෂ ජනරාල්වරයා සඳහන් කරයි.
මීට පෙර “QR” කේතය ලබාගත් සහ දැනටත් එම වාහනය සහ එම දුරකථන අංකයම භාවිතා කරන පුද්ගලයන්ට කිසිදු ගැටලුවකින් තොරව නව “QR” කේතය යාවත්කාලීන කරගත හැකි බව රජයේ ප්රවෘත්ති අධ්යක්ෂ ජනරාල්වරයා සඳහන් කරයි.
වාහන හෝ දුරකථන අංක වෙනස් වී ඇති අයත්, අලුතින් වාහන මිලදී ගත් අයත් මුහුණ දෙන ගැටලු හදුනාගෙන ඒවා හැකි ඉක්මනින් නිරාකරණය කිරීමට කටයුතු කරමින් පවතින බවද ප්රවෘත්ති අධ්යක්ෂ ජනරාල්වරයා සඳහන් කරයි.
අත්යවශ්ය සේවාවන්ට, කෘෂිකර්ම කටයුතු වලට ඉන්ධන සැපයීම ඇතුළු විශේෂිත ගැටලු සම්බන්ධයෙන් අද (15) දින තීරණ ගෙන ඒවාට විසඳුම් ලබාදීමට කටයුතු කරනු ඇති බවද රජයේ ප්රවෘත්ති අධ්යක්ෂ ජනරාල්වරයා සඳහන් කරයි.
